మెరైన్ కెమిస్ట్రీ కోర్సును ఆఫర్ చేస్తున్న సంస్థలేవి? కెరీర్ ఏవిధంగా ఉంటుంది?
-రామారావు, విశాఖపట్నం
A. ఇటీవల కాలంలో మెరైన్ కెమిస్ట్రీకి డిమాండ్ బాగా పెరుగుతోంది. సముద్ర ఆహారం, సముద్ర ఆధారిత ఔషధాలు, సముద్ర జలాల కలుషితం, చమురు- ఖనిజాన్వేషణ, తదితర కారణాల వల్ల మెరైన్ కెమిస్ట్రీ బాగా ప్రాచుర్యంలోకి వచ్చింది. మెరైన్ బాడీల తయారీలో ఉపయోగించే కెమికల్స్, సముద్ర జీవులు, వాతావరణంపై కెమికల్స్ ప్రభావం వంటి అంశాలను మెరైన్ కెమిస్ట్రీలో చర్చిస్తారు.
మెరైన్ కెమిస్ట్రీని కెమికల్ ఓషనోగ్రఫీ అని కూడా అంటారు. ఇందులో పరిశోధనాత్మక కార్యకలాపాల పరిధి ఎక్కువగా ఉంటుంది. మెరైన్ కెమిస్ట్రీ పూర్తి చేసిన వారిని మెరైన్ కెమిస్ట్‌లుగా వ్యవహరిస్తుంటారు. వీరు సముద్ర గర్భంలో పరిశోధనలు చేయడం, సంబంధిత డేటా సేకరించడం, దాన్ని విశ్లేషించడం వంటి విధులను నిర్వహిస్తుంటారు.

ఈ రంగంలో కెరీర్ ప్రారంభించాలంటే మెరైన్ కెమిస్ట్రీ లేదా అనుబంధ కోర్సులో పీజీ చేయాలి. ఈ రంగంలో ఎక్కువగా పరిశోధనలు, ఫీల్డ్ వర్క్ అంశాలు ఉంటాయి తదనుగుణంగా స్కిల్స్ ఉంటేనే ఈ రంగంలో రాణించవచ్చు. ఈ క్రమంలో అభ్యర్థులకు సహనం, ఓర్పు, కాలంతో నిమిత్తం లేకుండా పని చేసే సామర్థ్యం ఉండాలి.

మెరైన్ కెమిస్ట్రీ అభ్యర్థులకు సెంట్రల్ సాల్ట్ అండ్ మెరైన్ కెమికల్ రీసెర్చ్ ఇన్‌స్టిట్యూట్- భావ్‌నగర్, నేషనల్ సెంటర్ ఫర్ అంటార్కిటిక్ అండ్ ఓషన్ రీసెర్చ్- గోవా, సెంట్రల్ మెరైన్ ఫిషరీస్ రీసెర్చ్- మైసూర్, నేషనల్ ఇన్‌స్టిట్యూట్ ఆఫ్ ఓషన్ టెక్నాలజీ- చెన్నై వంటి ప్రభుత్వ సంస్థలతోపాటు పలు ప్రైవేట్ రీసెర్‌‌చ ఆర్గనైజేషన్‌‌స కెరీర్ అవెన్యూస్‌గా ఉంటాయి. వీటిల్లో సైంటిస్ట్‌గా లేదా వివిధ హోదాల్లో అవకాశాలు లభిస్తాయి.

ఆఫర్ చేస్తున్న ఇన్‌స్టిట్యూట్‌లు:
అన్నామలై యూనివర్సిటీ
కోర్సు: ఎంఎస్సీ (మెరైన్ కెమిస్ట్రీ)
అర్హత: కెమిస్ట్రీ ఒక సబ్జెక్ట్‌గా బ్యాచిలర్ డిగ్రీ.
వివరాలకు: http://annamalaiuniversity.ac.in
యూనివర్సిటీ ఆఫ్ గోవా
కోర్సు: ఎంఎస్సీ (మెరైన్ సైన్స్ విత్ మెరైన్ కెమిస్ట్రీ)
వివరాలకు: www.unigoa.ac.in
ఆంధ్రా యూనివర్సిటీ-విశాఖపట్నం
కోర్సు:ఎంఎస్సీ(కెమిస్ట్రీ,మెరైన్ కెమిస్ట్రీ స్పెషలైజేషన్‌గా)
వివరాలకు: www.andhrauniversity.info
n తర్వాత ఆసక్తి ఉంటే నేషనల్ ఇన్‌స్టిట్యూట్ ఆఫ్ ఓషనోగ్రఫీ-గోవా వంటి ఇన్‌స్టిట్యూట్‌ల నుంచి పీహెచ్‌డీ చేయొచ్చు.

Q. ఎయిర్ హోస్టెస్‌గా కెరీర్ ప్రారంభించడానికి కావలసిన అర్హతలు? - రచన, అసిఫాబాద్
A. ఎయిర్‌హోస్టెస్‌గా కెరీర్ ప్రారంభించాలంటే ముందుగా ఆ రంగంలో శిక్షణ తీసుకోవాలి. దేశంలో పలు ఇన్‌స్టిట్యూట్‌లు ఎయిర్‌హోస్టెస్ శిక్షణను అందిస్తున్నాయి. శిక్షణలో చేరేందుకు వయసు, ఎత్తు, బరువు విషయంలో కొన్ని పరిమితులున్నాయి. ఆకర్షణీయమైన రూపం, సాధారణ కంటి చూపుతోపాటు హిందీ, ఇంగ్లిష్ భాషలను ధారాళంగా మాట్లాడాలి. వీటితోపాటు ఏదైనా విదేశీ భాషలో ప్రావీణ్యం ఉంటే అదనపు ప్రయోజనంగా ఉంటుంది. ప్రాథమిక అర్హతలు..
వయసు 18-24 ఏళ్లు.
ఎత్తు 160 సెం.మీ.
ఇంటర్మీడియెట్ (10+2) ఉత్తీర్ణత.

ఎయిర్ హోస్టెస్ శిక్షణ ను ఆఫర్ చేస్తున్న ఇన్‌స్టిట్యూట్‌లు:
{ఫాంక్‌ఫిన్ ఇన్‌స్టిట్యూట్ ఆఫ్ ఎయిర్ హోస్టెస్ ట్రైనింగ్ - సికింద్రాబాద్.
వివరాలకు: www.frankfinn.com
కేతన్ ఇన్‌స్టిట్యూట్ ఆఫ్ హస్పిటాలిటీ మేనేజ్‌మెంట్ - హైదరాబాద్.
వివరాలకు: www.ketansinstitute.com
ఆప్టెక్ ఏవియేషన్ అండ్ హాస్పిటాలిటీ అకాడమీ -
హైదరాబాద్.
వివరాలకు: http://aptechaviationacademy.com

Q. పలంటాలజీ కోర్సుకు సంబంధించిన వివరాలను తెలపండి? - మదన్, మహబూబాబాద్
A. పలంటాలజీ అంటే శిలాజ అధ్యయన శాస్త్రం. దీనిలో చరిత్ర పూర్వకాల అధ్యయనంతోపాటు శిలాజాల అధ్యయనం వంటి అంశాలు ఈ శాస్త్రంలో ఉంటాయి. ఎలాంటి వాతావరణ మార్పులకు అనుగుణంగా భూమి పరిణామం చెందింది అనే విషయాలను గురించి వివరిస్తుంది. బయాలజీ, జియాలజీ, ఆర్కియాలజీల అంశాలను వివరించే మల్టీడిసిప్లినరీ కోర్సుగా పలంటాలజీని పేర్కొంటారు.

ఆఫర్ చేస్తున్న యూనివర్సిటీలు:
ఉస్మానియా యూనివర్సిటీ -హైదరాబాద్
కోర్సు: అప్లయిడ్ జియాలజీ(పలంటాలజీ ఒక సబ్జెక్ట్‌గా)
అర్హత: 40 శాతం మార్కులతో సంబంధిత సబ్జెక్ట్‌లో బ్యాచిలర్ డిగ్రీ.
{పవేశం: ఎంట్రెన్స్ ఆధారంగా
వివరాలకు: www.osmania.ac.in
ఆంధ్రా యూనివర్సిటీ- విశాఖపట్నం
కోర్సు: ఎంఎస్సీ జియాలజీ, ఎంఎస్సీ(టెక్-అప్లయిడ్ జియాలజీ, (పలంటాలజీ ఒక సబ్జెక్ట్‌గా)
అర్హత: సంబంధిత సబ్జెక్ట్‌లో డిగ్రీ ఉత్తీర్ణత.
{పవేశం: ఎంట్రెన్స్ టెస్ట్ ద్వారా
వివరాలకు: www.andhrauniversity.info
జియాలాజికల్ సర్వే ఆఫ్ ఇండియా ట్రైనింగ్ ఇన్‌స్టిట్యూట్-హైదరాబాద్, సంబంధిత రంగంలో ప్రొఫెషనల్ శిక్షణను కూడా అందిస్తుంది.

Q. మెటలర్జికల్ ఇంజనీరింగ్ విద్యార్థులకు కెరీర్ పరంగా అవకాశాలు ఏ విధంగా ఉంటాయి?
- రాజేశ్, కరీంనగర్

A. లోహ సంగ్రహణం, ప్రాసెసింగ్, సంబంధిత అంశాల గురించి మెటలర్జీ ఇంజనీరింగ్ వివరిస్తుంది. ఈ బ్రాంచ్‌తో ఇంజనీరింగ్ పూర్తి చేసిన అభ్యర్థులకు ప్రభుత్వ, ప్రైవేట్ రంగాల్లో చక్కటి అవకాశాలు ఉన్నాయి. వీరికి టాటా స్టీల్స్, సెయిల్, నాల్కో, స్పాంజ్ ఐరన్ లిమిటెడ్, హిందూస్థాన్ కాపర్ లిమిటెడ్, ఎన్‌టీపీసీ, ఇస్రో, డీఆర్‌డీఓ, ఇండియన్ రైల్వేలు కెరీర్ అవెన్యూస్‌గా నిలుస్తున్నాయి. వీటిల్లో సేఫ్టీ ఇంజనీర్, క్వాలిటీ ఇంజనీర్, ప్లానింగ్ ఇంజనీర్, వెల్డింగ్ ఇంజనీర్, ప్లాంట్ ఎక్విప్‌మెంట్ ఇంజనీర్‌గా లేదా రీసెర్చె ర్‌గా, కన్సల్టెంట్ వంటి హోదాల్లో అవకాశాలు లభిస్తాయి.

Q. ఇండియన్ ఎయిర్‌ఫోర్స్, ఇండియన్ నేవీలో బీటెక్ ఎలక్ట్రానిక్స్ మహిళా అభ్యర్థులకు ఎటువంటి అవకాశాలు ఉంటాయి? -దీపిక, మదిర
A. ఇండియన్ ఎయిర్ ఫోర్స్, ఇండియన్ నేవీలో బీటెక్ ఎలక్ట్రానిక్స్ మహిళా అభ్యర్థులకు కెరీర్ పరంగా చక్కని అవకాశాలున్నాయి. వివరాలు..
- ఇండియన్ ఎయిర్‌ఫోర్స్: ఇండియన్ ఎయిర్‌ఫోర్స్- షార్ట్ సర్వీస్ కమిషన్ టెక్నికల్ బ్రాంచ్‌లో పనిచేయడానికి బీటెక్ ఎలక్ట్రానిక్స్ పూర్తి చేసిన మహిళలకు అవకాశం ఉంటుంది. వయసు 18 నుంచి 28 సంవత్సరాల మధ్య మాత్రమే ఉండాలి. ఎంపిక ప్రక్రియలో ముందుగా ఎయిర్‌ఫోర్స్ కామన్ అడ్మిషన్ టెస్ట్‌ను రాయాలి. పరీక్ష సమయం రెండు గంటలు. ప్రశ్నలు మల్టిపుల్ చాయిస్ విధానంలో ఉండే ఈ పరీక్షలో వెర్బల్ ఎబిలిటీ, న్యూమరికల్ ఎబిలిటీ, రీజనింగ్, జనరల్ ఎవేర్‌నెస్, మిలటరీ ఆప్టిట్యూడ్‌కు సంబంధించిన అంశాలపై ప్రశ్నలు వస్తాయి. తర్వాత ఇంటలిజెన్స్ టెస్ట్ (స్టేజ్- 1), సైకలాజికల్ టెస్ట్-గ్రూప్ టెస్ట్-ఇంటర్వ్యూ (స్టేజ్- 2) దశలను అధిగమిస్తే నియామకం ఖరారవుతుంది.
వివరాలకు: www.careerairforce.nic.in
ఇండియన్ నేవీ: ఇండియన్ నేవీ షార్ట్ సర్వీస్ కమిషన్ బ్రాంచ్ ద్వారా ఎడ్యుకేషన్, లాజిస్టిక్ వంటి విభాగాల్లో మహిళలకు అవకాశాలను కల్పిస్తుంది. మల్టిపుల్ టెస్ట్స్, గ్రూప్ ఎక్సర్‌సైజ్, ఇంటర్వ్యూ ద్వారా అభ్యర్థులను ఎంపిక చేస్తారు.
వివరాలకు: https://nausena-bharti.nic.in

ఫ్యూచర్ కెరీర్‌కు.. పీజీసెట్స్ - All PGCETs - 2013 (Academic Guidance)

ఆచార్య నాగార్జున

యూనివర్సిటీ - గుంటూరు
కోర్సులు:
ఎంఎస్సీ: ఆక్వాకల్చర్, బయోకెమిస్ట్రీ, బయోటెక్నాలజీ, బోటనీ, కెమిస్ట్రీ, కంప్యూటర్ సైన్స్, ఎలక్ట్రానిక్స్ అండ్ ఇన్‌స్ట్రుమెంటేషన్ టెక్నాలజీ, ఎలక్ట్రానిక్స్, ఎన్విరాన్‌మెంటల్ సైన్స్, ఫుడ్ అండ్ న్యూట్రిషనల్ సెన్సైస్, జియాలజీ, మ్యాథమెటిక్స్, మైక్రో బయాలజీ, నానో బయోటెక్నాలజీ, ఆయిల్ అండ్ ఫ్యాట్స్, ఫిజిక్స్, స్టాటిస్టిక్స్, జువాలజీ.
ఎంఏ: యానిసెంట్ హిస్టరీ అండ్ ఆర్కియాలజీ, ఎకనామిక్స్, ఇంగ్లిష్, హిందీ, హిస్టరీ, జర్నలిజం అండ్ మాస్ కమ్యూనికేషన్, మహాయాన బుద్ధిస్ట్ స్టడీస్, పొలిటికల్ సైన్స్, పబ్లిక్ అడ్మినిస్ట్రేషన్, రూరల్ డెవలప్‌మెంట్, సంస్కృతం, సోషియాలజీ, తెలుగు.
ఇతర కోర్సులు: మాస్టర్ ఆఫ్ సోషల్ వర్క్, ఎంఈడీ, ఎంకాం, ఎంహెచ్‌ఆర్‌ఎం, ఎంపీఈడీ, పీజీ డిప్లొమా ఇన్ అంబేద్కర్ స్టడీస్, పీజీ డిప్లొమా ఇన్ యోగా ఫర్ హ్యూమన్ ఎక్స్‌లెన్స్ (ఫుల్‌టైం, పార్ట్‌టైం); ఇంటిగ్రేటెడ్ ఎమ్మెస్సీ నానో టెక్నాలజీ (ఐదేళ్లు), ఇంటిగ్రేటెడ్ ఎంబీఏ (ఇంటర్నేషనల్ బిజినెస్).
ఆలస్య రుసుంతో దరఖాస్తుల స్వీకరణకు చివరి తేదీ: ఏప్రిల్ 20, 2013
ప్రవేశ పరీక్షలు ప్రారంభం: మే 4, 2013
వెబ్‌సైట్: www.nagarjunauniversity.ac.in

ఆంధ్రా యూనివర్సిటీ - విశాఖపట్నం

ఆంధ్రా యూనివర్సిటీ నిర్వహించే పీజీసెట్ ద్వారా ఈ వర్సిటీతోపాటు డాక్టర్ బీఆర్ అంబేద్కర్ వర్సిటీ- శ్రీకాకుళంలో కూడా ప్రవేశాలు కల్పిస్తారు.
ఎంఎస్సీ: బయోకెమిస్ట్రీ, బయోటెక్నాలజీ, అగ్రికల్చరల్ బయోటెక్నాలజీ, ఎన్విరాన్‌మెంటల్ సెన్సైస్, ఫుడ్స్- న్యూట్రిషన్ అండ్ డైటిటిక్స్, బోటనీ, హార్టికల్చర్ అండ్ ల్యాండ్‌స్కేప్ మేనేజ్‌మెంట్, కెమిస్ట్రీ (ఎనలిటికల్ కెమిస్ట్రీ, బయోఇనార్గానిక్ కెమిస్ట్రీ, ఎన్విరాన్‌మెంటల్ కెమిస్ట్రీ, ఇనార్గానిక్ కెమిస్ట్రీ, ఎనాలిసిస్ ఆఫ్ ఫుడ్స్- డ్రగ్స్ అండ్ వాటర్, ఆర్గానిక్ కెమిస్ట్రీ, మెరైన్ కెమిస్ట్రీ, ఫిజికల్ కెమిస్ట్రీ, న్యూక్లియర్ కెమిస్ట్రీ, అప్లైడ్ కెమిస్ట్రీ), కంప్యూటర్ సైన్స్ అండ్ స్టాటిస్టిక్స్, ఎలక్ట్రానిక్స్ అండ్ ఇన్‌స్ట్రుమెంటేషన్, జాగ్రఫీ, జియాలజీ, మెరైన్ జియాలజీ, టెక్ జియాలజీ, క్వాంటిటేటివ్ ఎకనామిక్స్, కంప్యూటర్ సైన్స్, ఫిషరీ సైన్స్, ఆంత్రోపాలజీ, జువాలజీ, స్టాటిస్టిక్స్, టెక్.జియోఫిజిక్స్, హైడ్రాలజీ, మెరైన్ జియోఫిజిక్స్, ఫిజికల్ ఓషనోగ్రఫీ, మెటియోరాలజీ, న్యూక్లియర్ ఫిజిక్స్, స్పేస్ ఫిజిక్స్, ఫిజిక్స్, మైక్రో బయాలజీ, అప్లైడ్ మ్యాథమెటిక్స్, మెరైన్ బయోటెక్నాలజీ, కోస్టల్ ఆక్వాకల్చర్ అండ్ మెరైన్ బయోటెక్నాలజీ, మెరైన్ బయాలజీ అండ్ ఫిషరీస్, హ్యూమన్ జెనెటిక్స్.
ఎంఏ కోర్సులు: ఉమెన్స్ స్టడీస్, క్వాంటిటేటివ్ ఎకనామిక్స్, మ్యూజిక్, డ్యాన్స్, రూరల్ డెవలప్‌మెంట్, తెలుగు, సోషియాలజీ, ఆంత్రోపాలజీ, సోషల్ వర్క్, సంస్కృతం, సైకాలజీ, పబ్లిక్ అడ్మినిస్ట్రేషన్, పొలిటికల్ సైన్స్, ఫిలాసఫీ, హెచ్‌ఆర్‌డీ, హిస్టరీ, యానిసెంట్ హిస్టరీ అండ్ ఆర్కియాలజీ, హిందీ, ఇంగ్లిష్, అడల్డ్ అండ్ కంటిన్యూయింగ్ ఎడ్యుకేషన్, ఎకనామిక్స్, అప్లైడ్ ఎకనామిక్స్, మ్యాథమెటిక్స్.
ఇతర కోర్సులు: ఎంకాం, బీఎఫ్‌ఏ, ఎంహెచ్‌ఆర్‌ఎం, ఎంజేఎంసీ, ఎంఎల్‌ఐఎస్సీ, ఎంఈడీ, ఎంపీఈడీ, బీఈడీ (స్పెషల్ ఎడ్యుకేషన్ మెంటల్ రిటార్డేషన్)
ఐదేళ్ల ఇంటిగ్రేటెడ్ కోర్సులు: ఎంఎస్సీ అప్లైడ్ కెమిస్ట్రీ, ఎంఏ ఎకనామిక్స్.
ఆలస్య రుసుంతో పూర్తిచేసిన దరఖాస్తులు పంపడానికి చివరి తేదీ: ఏప్రిల్ 12, 2013
ప్రవేశ పరీక్షల ప్రారంభం: ఏప్రిల్ 28, 2013
వెబ్‌సైట్: www.andhrauniversity.info

ఎస్వీయూవైవీయూ పీజీసెట్

ఈ ప్రవేశపరీక్ష ద్వారా ఎస్వీయూ(తిరుపతి), యోగి వేమన వర్సిటీ (కడప)ల్లో వివిధ పీజీ కోర్సుల్లో ప్రవేశం కల్పిస్తారు. కోర్సులు...
ఎంఏ: అడల్ట్ ఎడ్యుకేషన్, ఎకనామిక్స్,ఇంగ్లిష్, హిస్టరీ, యానిసెంట్ ఇండియన్ హిస్టరీ-కల్చర్ అండ్ ఆర్కియాలజీ, హిందీ, హ్యూమన్ రైట్స్ అండ్ డ్యూటీస్, లింగ్విస్టిక్స్, ఫర్‌ఫార్మింగ్ ఆర్ట్స్, మ్యూజిక్, ఫిలాసఫీ, పొలిటికల్ సైన్స్-పబ్లిక్ అడ్మినిస్ట్రేషన్, పాపులేషన్ స్టడీస్, రూరల్ డెవలప్‌మెంట్, సంస్కృతం, సోషియాలజీ, తమిళ్, తెలుగు,ఉర్దూ, టూరిజం, ఎకనోమెట్రిక్స్.
ఎంఎస్సీ కోర్సులు: ఆంత్రోపాలజీ, ఆక్వాకల్చర్, బయోకెమిస్ట్రీ, బయోటెక్నాలజీ, ఇమ్యునోటెక్నాలజీ, యానిమల్ బయోటెక్నాలజీ, బయోఇన్ఫర్మేటిక్స్, బోటనీ, కె మిస్ట్రీ, కంప్యూటర్ సైన్స్, ఎలక్ట్రానిక్స్, జాగ్రఫీ, జియాలజీ, జియాలజీ-జియోఇన్ఫర్మేటిక్స్, హోంసైన్స్, టెక్ హైడ్రాలజీ, ఇన్‌స్ట్రుమెంటేషన్, అప్లైడ్ మ్యాథమెటిక్స్, మ్యాథమెటిక్స్, మైక్రో బయాలజీ, మెటీరియల్ సైన్స్ అండ్ నానో టెక్నాలజీ, ఫిజిక్స్, సైకాలజీ, కౌన్సెలింగ్ సైకాలజీ, జెనెటిక్స్ అండ్ జీనోమిక్స్, జువాలజీ, యానిమల్ సైన్స్, విరాలజీ, స్టాటిస్టిక్స్, అప్లైడ్ స్టాటిస్టిక్స్, ఇండస్ట్రియల్ మైక్రో బయాలజీ.
ఇతర కోర్సులు: ఎంకాం, మాస్టర్ ఆఫ్ సోషల్ వర్క్, ఎంఎస్ ఉమెన్ స్టడీస్ అండ్ మేనేజ్‌మెంట్, ఎంటెక్ స్పేస్ టెక్నాలజీ అండ్ అప్లికేషన్స్, ఎంపీఈడీ, ఎంసీజే, ఎంఎల్‌ఐఎస్సీ, ఎంఎస్ ఫుడ్ టెక్నాలజీ, ఎంఈడీ
దరఖాస్తు చేసుకోవడానికి చివరి తేదీ: ఏప్రిల్ 22, 2013
ప్రవేశ పరీక్ష లు: మే 18 నుంచి మే 26 వరకు
వెబ్‌సైట్: www.svudoa.in

కృష్ణా యూనివర్సిటీ - మచిలీపట్నం

ఎంఎస్సీ: ఫార్మాస్యూటికల్ కెమిస్ట్రీ, ఎలక్ట్రానిక్స్-ఇన్‌స్ట్రుమెంటేషన్, బయోటెక్నాలజీ, జువాలజీ, మైక్రో బయాలజీ, మ్యాథమెటిక్స్, ఎలక్ట్రానిక్స్, కంప్యూటర్ సైన్స్, కెమిస్ట్రీ, బోటనీ, బయోకెమిస్ట్రీ, ఫిజిక్స్, అప్లైడ్ మ్యాథమెటిక్స్.
ఎంఏ: జర్నలిజం అండ్ మాస్ కమ్యూనికేషన్, ఇంగ్లిష్, తెలుగు, ఎకనామిక్స్, సోషల్ వర్క్.
ఇతర కోర్సులు: ఎంఈడీ, ఎంహెచ్‌ఆర్‌ఎం, ఎంకాం.
దరఖాస్తులకు చివరి తేదీ: ఏప్రిల్ 16, 2013
ప్రవేశ పరీక్షల ప్రారంభం: ఏప్రిల్ 25, 2013
వెబ్‌సైట్: www.krishnauniversity.ac.in

కృష్ణదేవరాయ వర్సిటీ - అనంతపురం

ఈ వర్సిటీ ప్రవేశపరీక్ష ద్వారా శ్రీ కృష్ణదేవరాయ యూనివర్సిటీ(అనంతపురం), ఆయిల్ టెక్నాలజీ రీసెర్చ్ ఇన్‌స్టిట్యూట్ (జేఎన్‌టీఏ అనుబంధ కళాశాల)ల్లో వివిధ కోర్సుల్లో ప్రవేశం కల్పిస్తారు.
ఎంఏ: అడల్ట్ ఎడ్యుకేషన్, ఎకనామిక్స్, ఇంగ్లిష్, హిస్టరీ, పొలిటికల్ సైన్స్, పబ్లిక్ అడ్మినిస్ట్రేషన్, రూరల్ డెవలప్‌మెంట్, సోషియాలజీ, తెలుగు, హిందీ.
ఎంఎస్సీ: బయోకెమిస్ట్రీ, బయోటెక్నాలజీ, బోటనీ, కెమిస్ట్రీ, ఆర్గానిక్ కెమిస్ట్రీ, కంప్యూటర్ సైన్స్, ఎలక్ట్రానిక్స్ అండ్ కమ్యూనికేషన్స్, ఎలక్ట్రానిక్స్ అండ్ ఇన్‌స్ట్రుమెంటేషన్, జాగ్రఫీ, మ్యాథమెటిక్స్, అప్లైడ్ మ్యాథమెటిక్స్, మైక్రో బయాలజీ, ఫిజిక్స్, పాలిమర్ సైన్స్ అండ్ టెక్నాలజీ, సెరికల్చర్, స్టాటిస్టిక్స్, జువాలజీ, పుడ్ టెక్నాలజీ (ఓటీఆర్‌ఐలో మాత్రమే)
ఇతర కోర్సులు: మాస్టర్ ఆఫ్ సోషల్ వర్క్, ఎంఈడీ, ఎంఎల్‌ఐఎస్సీ, ఎంపీఈడీ, ఎంకాం.
దరఖాస్తుల స్వీకరణకు చివరి తేదీ: ఏప్రిల్ 22, 2013
ప్రవేశపరీక్షలు: ఏప్రిల్ 20 నుంచి ఏప్రిల్ 29 వరకు
వెబ్‌సైట్: www.skupgcet.org

ద్రవిడియన్ విశ్వవిద్యాలయం - కుప్పం

ఎంఏ: ఫిలాసఫీ, లింగ్విస్టిక్స్, ఇంగ్లిష్, ఫోక్‌లోర్- ట్రైబల్‌లోర్ అండ్ కల్చరల్ టూరిజం, హిస్టరీ, కన్నడ, మళయాలం, తమిళం, తెలుగు, సోషియాలజీ, రూరల్ డెవలప్‌మెంట్ మేనేజ్‌మెంట్,
ఎంఎస్సీ: జువాలజీ, స్టాటిస్టిక్స్, ఫిజిక్స్, మైక్రోబయాలజీ, మ్యాథమెటిక్స్, కంప్యూటర్ సైన్స్, ఆర్గానిక్ కెమిస్ట్రీ, బయోకెమిస్ట్రీ, బయోటెక్నాలజీ, బోటనీ.
ఇతర కోర్సులు: మాస్టర్ ఆఫ్ సోషల్ వర్క్, ఎంఎల్‌ఐఎస్సీ, ఎంసీఏ, ఎంకాం, ఎంబీఏ, తుళు (సర్టిఫికెట్, డిప్లొమా కోర్సు), మళయాలం (సర్టిఫికెట్, డిప్లొమా కోర్సు), టీపీటీ, బీఈడీ, ఎంఈడీ.
దరఖాస్తుల స్వీకరణకు చివరి తేదీ: ఏప్రిల్ 29, 2013
ప్రవేశ పరీక్షల ప్రారంభం: మే 11, 2013
వెబ్‌సైట్: www.dravidianuniversity.ac.in

ఆదికవి నన్నయ యూనివర్సిటీ-రాజమండ్రి

ఎంఎస్సీ: జువాలజీ, కెమిస్ట్రీ, జియాలజీ,పెట్రోలియం ఎక్స్‌ప్లోరేషన్.
ఎంఏ కోర్సులు: ఇంగ్లిష్, తెలుగు, ఎకనామిక్స్, సైకాలజీ, సోషల్ వర్క్.
ఇతర కోర్సులు:
ఎంబీఏ (ఫైనాన్స్, మార్కెటింగ్, హెచ్‌ఆర్‌ఎం)
దరఖాస్తులకు చివరి తేదీ: ఏప్రిల్ 19, 2013
ప్రవేశపరీక్షల ప్రారంభం: మే 5, 2013
వెబ్‌సైట్: www.nannayauniversity.info

ఉస్మానియా యూనివర్సిటీ-హైదరాబాద్

ఈ యూనివర్సిటీ నిర్వహించే ప్రవేశ పరీక్ష ద్వారా తెలంగాణ యూనివర్సిటీ-నిజామాబాద్, మహాత్మాగాంధీ యూనివర్సిటీ-నల్గొండ, పాలమూరు యూనివర్సిటీ-మహబూబ్ నగర్‌ల్లో వివిధ కోర్సుల్లో ప్రవేశం కల్పిస్తారు.
కోర్సులు:
ఐదేళ్ల ఇంటిగ్రేటెడ్ కోర్సులు: ఎంఎస్సీ కెమిస్ట్రీ, ఫార్మాస్యూటికల్ కెమిస్ట్రీ; ఎంఏ (అప్లైడ్ ఎకనామిక్స్), ఎంబీఏ, ఎంబీఏ (డ్యుయెల్ డిగ్రీ).
ఎంఎస్సీ: ఆస్ట్రానమీ, ఆస్ట్రోఫిజిక్స్, బోటనీ, కెమిస్ట్రీ (ఇనార్గానిక్/ఆర్గానిక్/ఫిజికల్ ఆర్గానిక్/ఫిజికల్ ఎనలిటికల్/ఫార్మాస్యూటికల్/ఫార్మకో ఇన్ఫర్మేటిక్స్), కంప్యూటర్ సైన్స్, ఎలక్ట్రానిక్స్, జాగ్రఫీ, జియోఇన్ఫర్మేటిక్స్, జియాలజీ, మ్యాథమెటిక్స్, ఫిజిక్స్, జువాలజీ, బయోకెమిస్ట్రీ, బయోటెక్నాలజీ, ఎన్విరాన్‌మెంటల్ సైన్స్, ఫోరెన్సిక్ సైన్స్, జెనెటిక్స్, మైక్రోబయాలజీ, న్యూట్రిషన్ డైటిటిక్స్, జియోఫిజిక్స్, అప్లైడ్ జియోకెమిస్ట్రీ, స్టాటిస్టిక్స్.
ఎంఏ: యానిసెంట్ ఇండియన్ హిస్టరీ-కల్చర్ అండ్ ఆర్కియాలజీ, అరబిక్, ఇంగ్లిష్, హిందీ, ఇస్లామిక్ స్టడీస్, కన్నడం, లింగ్విస్టిక్స్, మరాఠీ, పర్షియన్, ఫిలాసఫీ, సంస్కృతం, తమిళం, తెలుగు, ఉర్దూ, ఎకనామిక్స్, హిస్టరీ, పొలిటికల్ సైన్స్, సైకాలజీ, పబ్లిక్ అడ్మినిస్ట్రేషన్, సోషియాలజీ, థియేటర్ ఆర్ట్స్.
ఇతర కోర్సులు: ఎంసీజే, బీఎల్‌ఐఎస్సీ, ఎంఎల్‌ఐఎస్సీ, మాస్టర్ ఆఫ్ సోషల్ వర్క్, ఎంకాం, ఎంఈడీ, ఎంపీఈడీ; పీజీ డిప్లొమా ఇన్ ట్యాక్సేషన్, డిజిటల్ ఇన్ఫర్మేషన్ మేనేజ్‌మెంట్, ఉర్దూ పాలియోగ్రఫీ, అప్లైడ్ లింగ్విస్టిక్స్, ఫంక్షనల్ హిందీ అండ్ ట్రాన్స్‌లేషన్, చైల్డ్ సైకాలజీ, మ్యూజియాలజీ, ఆర్కైవల్ సైన్స్ అండ్ మ్యానుస్క్రిప్టాలజీ, జియోగ్రాఫికల్ కార్టోగ్రఫీ, సైకలాజికల్ కౌన్సెలింగ్, బయోస్టాటిస్టిక్స్.
దరఖాస్తులకు చివరి తేదీ: మే 3, 2013
ప్రవేశ పరీక్షల ప్రారంభం: మే 30, 2013
వెబ్‌సైట్: www.osmania.ac.in

శ్రీ పద్మావతి మహిళ
విశ్వవిద్యాలయం-తిరుపతి
ప్రత్యేకంగా మహిళలకు మాత్రమే వివిధ కోర్సులను అందిస్తోంది. పద్మావతి మహిళా యూనివర్సిటీ అందించే కోర్సులు..
ఎంఏ: పబ్లిక్ రిలేషన్స్, భరత నాట్యం, మ్యూజిక్ (ఓకల్, వీణ), ఉమెన్స్ స్టడీస్, ఎకనామిక్స్, ఇంగ్లిష్ లాంగ్వేజ్ అండ్ లిటరేచర్, తెలుగు లాంగ్వేజ్ లిటరేచర్ అండ్ ట్రాన్స్‌లేషన్.
ఎంఎస్సీ: అప్లైడ్ మ్యాథమెటిక్స్, అప్లైడ్ మైక్రోబయాలజీ, మైక్రోబయోల్ టెక్నాలజీ, బయోకెమిస్ట్రీ, బయోఇన్ఫర్మేటిక్స్, జనరల్ బయోటెక్నాలజీ, యానిమల్ బయోటెక్నాలజీ, బోటనీ, ఫుడ్ అండ్ న్యూట్రిషన్ సెన్సైస్ (క్లినికల్ న్యూట్రిషన్ అండ్ డైటిటిక్స్, కమ్యూనిటీ హెల్త్ అండ్ న్యూట్రిషన్, ఫుడ్ సైన్స్ అండ్ క్వాలిటీ కంట్రోల్), హ్యూమన్ డెవలప్‌మెంట్ అండ్ ఫ్యామిలీ స్టడీస్, ఆర్గానిక్ కెమిస్ట్రీ, ఎనలిటికల్ కెమిస్ట్రీ, ఫిజిక్స్, సెరి బయోటెక్నాలజీ, జువాలజీ.
ఇతర కోర్సులు: ఎంపీఈడీ, మాస్టర్ ఆఫ్ సోషల్ వర్క్, ఎంసీజే, ఎంఈడీ, ఎంఈడీ స్పెషల్ ఎడ్యుకేషన్
దరఖాస్తులకు చివరి తేదీ: ఏప్రిల్ 15, 2013
వెబ్‌సైట్: www.spmvv.ac.in

రాయలసీమ
యూనివర్సిటీ - కర్నూలు
కోర్సులు:
ఎంఎస్సీ: బయోటెక్నాలజీ, బోటనీ, కెమిస్ట్రీ, ఆర్గానిక్ కెమిస్ట్రీ, కంప్యూటర్ సైన్స్, ఎలక్ట్రానిక్స్ అండ్ కమ్యూనికేషన్స్, మ్యాథమెటిక్స్, ఫిజిక్స్, జువాలజీ.
ఎంఏ: ఎకనామిక్స్, ఇంగ్లిష్, తెలుగు.
ఇతర కోర్సులు: ఎంఈడీ, ఎంకాం.
దరఖాస్తు విధానం: ఆన్‌లైన్ ద్వారా

ముఖ్య తేదీలు:
ఆన్‌లైన్ రిజిస్ట్రేషన్‌కు చివరి తేదీ: ఏప్రిల్ 22, 2013
ప్రవేశపరీక్షలు: మే 12 నుంచి 15 వరకు
వెబ్‌సైట్: www.rupgcet2013.org/default.aspx


ఎక్కువ మంది విద్యార్థుల ఎంపిక.. కెమిస్ట్రీ

ఏయూలో పీజీ కోర్సులకు ఇప్పటి వరకు 22 వేల దరఖాస్తులు వచ్చాయి. సైన్స్ విభాగంలో రసాయన శాస్త్రానికి విద్యార్థుల నుంచి విపరీతమైన ఆదరణ ఉంది. గణితం, భౌతికశాస్త్రం, ఎంకాం, ఎంఈడీ కోర్సులు తర్వాత స్థానంలో ఉంటున్నాయి. ఐదేళ్ల సమీకృత కోర్సుల్లో ఎకనామిక్స్, అప్లైడ్ కెమిస్ట్రీ కోర్సులకు విద్యార్థుల నుంచి ఆశించిన స్థాయిలో ఆదరణ లభిస్తోంది. ప్రవేశ పరీక్షలో విజయం సాధించడానికి సంబంధిత పాఠ్యపుస్తకాలు ఆమూలాగ్రం చదవాలి. అదేవిధంగా ప్రతి పాఠ్యాంశంలోని ప్రధాన అంశాలను పలుమార్లు పునశ్చరణ చేయాలి. ప్రశ్నల నిధిని సిద్ధం చేసుకుని ప్రణాళికా బద్దంగా సిద్ధమవ్వాలి. ఇలా చేస్తే విజయం సాధించడం సులువే. ఇకపోతే ఎంఎస్సీ కెమిస్ట్రీ పూర్తిచేసినవారికి ఉద్యోగావకాశాలు ఎక్కువగా ఉన్నాయి.

జిప్‌మర్‌లో విజయం ఇలా...

జిప్‌మర్ (జవహర్‌లాల్ ఇన్‌స్టిట్యూట్ ఆఫ్ పోస్ట్‌గ్రాడ్యుయేట్ మెడికల్ ఎడ్యుకేషన్ అండ్ రీసెర్చ్)లో ఎంబీబీఎస్ కోర్సులో ప్రవేశం కోసం 2013వ సంవత్సరానికి నోటిఫికేషన్ వెలువడింది. సంబంధిత వివరాలు..

ఎంసెట్ Vs జిప్‌మర్

ఫిజిక్స్, కెమిస్ట్రీ- సిలబస్ ఎంసెట్ సిలబస్ మాదిరిగానే ఉంటుంది. కాబట్టి ఎంసెట్ తరహా ప్రిపరేషన్ దీనికి సరిపోతుంది.

బోటనీ, జువాలజీ- ఎంసెట్ ప్రిపరేషన్ సరిపోతుంది. కొన్ని అంశాలు మాత్రం అదనంగా చదవాలి. అవి.. బయో మాలిక్యుల్స్, పాలిమర్స్, హ్యుమన్ ఫిజియాలజీ, జెనెటిక్స్. వీటి కోసం ఎన్‌సీఈఆర్‌టీ పుస్తకాలను అధ్యయనం చేయాలి. అంతేకాకుండా ఇందుకోసం గ త ప్రశ్నపత్రాలను పరిశీలిస్తూ.. అయా అంశాల్లో అడుగుతున్న ప్రశ్నల సరళిని అవగాహన చేసుకోవాలి. దీని వల్ల ప్రిపరేషన్ మరింత మెరుగవుతుంది.

ఇతర మెడికల్ ఎంట్రెన్స్‌లతో పోల్చితే జిప్‌మర్ ప్రవేశ పరీక్ష కొంత భిన్నమైందని చెప్పొచ్చు. ఎందుకంటే ఇందులో గ్రూప్ సబ్జెక్ట్‌లతోపాటు ఇంగ్లిష్‌లో కూడా విద్యార్థి పరిజ్ఞానాన్ని పరీక్షిస్తారు. మల్టిపుల్ చాయిస్ పద్ధతిలో నిర్వహించే ఈ పరీక్షలో ప్రశ్నపత్రం ఇంగ్లిష్ మాధ్యమంలో మాత్రమే ఉంటుంది. ఇందులో మొత్తం ఐదు విభాగాల్లో 200 ప్రశ్నలు ఉంటాయి. అవి.. ఇంగ్లిష్, ఫిజిక్స్, కెమిస్ట్రీ, బోటనీ, జువాలజీ. ఈ ఐదు సబ్జెక్టుల నుంచి 40 ప్రశ్నల చొప్పున వస్తాయి. మొత్తం మార్కులు 200. ఎటువంటి నెగిటివ్ మార్కింగ్ లేదు. వ్యవధి: మూడు గంటలు.

నిర్ణయాత్మకం:
గత ఫలితాలను విశ్లేషిస్తే.. ఇంగ్లిష్, ఫిజిక్స్ విభాగాల్లో అత్యధిక మార్కులు సాధించిన విద్యార్థులే ర్యాంకుల విషయంలో ముంద ౦జలో ఉంటున్నారు. అంటే ర్యాంకుల నిర్ధారణలో ఈ రెండు సబ్జెక్ట్‌లు నిర్ణయాత్మక పాత్ర పోషిస్తున్నాయని చెప్పొచ్చు.

ప్రిపరేషన్:
ఎంసెట్‌లో ప్రశ్నలు స్టేట్ సిలబస్ నుంచి వస్తే.. జిప్‌మర్‌లో అడిగే ప్రశ్నలు సీబీఎస్‌ఈ-ఐసీఎస్‌ఈ ఆధారంగా ఉంటాయి. ఎంసెట్ పూర్తయిన తర్వాత జిప్‌మర్ (జూన్ 2) కోసం దాదాపు 20 రోజుల సమయం ఉంటుంది. ఈ సమయంలో ఎంసెట్‌లో లేని జిప్‌మర్‌లో అదనంగా ఉన్న అంశాలపై ఎక్కువగా దృష్టి సారించాలి. కనీసం నాలుగు లేదా ఐదు మాక్ టెస్ట్‌లు రాయాలి. గత ప్రశ్నపత్రాలను పరిశీలించడం కూడా ఉత్తమం.

బయాలజీదే సింహ భాగం:
జిప్‌మర్ ఎంట్రెన్స్‌లోని అన్ని సబ్జెక్టుల్లో బయాలజీదే (బోటనీ+ జువాలజీ) సింహ భాగం. మిగతా సబ్జెక్టులతో పోల్చితే ఈ విభాగం ప్రిపరేషన్ ఏమంత కష్టం కాదు. ఎందుకంటే ఫిజిక్స్, కెమిస్ట్రీల మాదిరిగా లాజిక్‌తో కూడిన ప్రశ్నలు కాకుండా సూటిగా ఉండే ప్రశ్నలను అడుగుతారు.

కీలక చాప్టర్లు: సెల్ బయాలజీ, జెనెటిక్స్-ఎవల్యూషన్, ప్లాంట్ అండ్ యానియల్ ఫిజియాలజీ, జెనెటిక్స్, బయోటెక్నాలజీ, మైక్రోబ్స్ ఇన్ హ్యుమన్ వెల్ఫేర్ - ఎకోసిస్టమ్.

= ఇంటర్మీడియెట్ బోర్డ్ సిలబస్‌లో కుందేలు అవయవ
వ్యవస్థ వివరణ ఉంది. జిప్‌మర్‌లో దీనికి బదులు మానవ శరీర ధర్మ శాస్త్రం (హ్యూమన్ ఫిజియాలజీ)పై ప్రశ్నలు వస్తాయి. ఇక్కడ విద్యార్థులు గమనించాల్సిన అంశం.. కుందేలు శరీర ధర్మ శాస్త్రానికి సంబంధించిన అంశాల్లో 80 శాతం మేరకు మానవ శరీర ధర్మ శాస్త్రంతో సరిపోతాయి. 20 శాతం మేరకు హ్యూమన్ ఫిజియాలజీ అంశాలైన జీర్ణ, శ్వాస, రక్త ప్రసరణ, విసర్జక, అస్థిపంజర, ప్రత్యుత్పత్తి వ్యవస్థల్లోని విషయాలు, డిజార్డర్స్ అదనంగా నేర్చుకోవాలి. ఇందుకోసం సీబీఎస్‌ఈ పాఠ్యాంశాలను ఔపోసన పడితే సరిపోతుంది.

కెమిస్ట్రీ:
మిగతా సబ్జెక్టులతో పోల్చితే కెమిస్ట్రీ పరిధి చాలా విస్తృతం. కాబట్టి ఇందు కోసం అధిక సమయం వెచ్చించాలి. ఏ చాప్టర్‌పై పట్టు ఉంటే ఆ చాప్టర్‌పైనే దృష్టి పెట్టడం మంచిది.

కీలక చాప్టర్లు: ఆర్గానిక్ కెమిస్ట్రీ, ఫిజికల్ కెమిస్ట్రీలలో ఎలక్ట్రో కెమిస్ట్రీ, కెమికల్ ఈక్విలిబ్రియం, సర్ఫేస్ కెమిస్ట్రీ, కెమికల్ బాండింగ్, ఆర్గనో-మెటాలిక్ కాంపౌండ్స్, యాసిడ్స్, బేసిస్, సొల్యూషన్స్, అటామిక్ స్ట్రక్చర్, పిరీయాడిక్ టేబుల్స్, బయో మాలిక్యుల్స్, డీ-బ్లాక్ ఎలిమెంట్స్, హైడ్రోజన్ పైరాక్సైడ్ ముఖ్యమైనవి.

ఫిజిక్స్:
జిప్‌మర్ ఔత్సాహికులు ప్రధానంగా దృష్టి సారించాల్సిన విభాగం ఫిజిక్స్. ఇందులో కాన్సెప్ట్స్ ఆధారంగా అడిగే ప్రశ్నలు ఎక్కువ. అంతేకాకుండా ఈ విభాగం నుంచి అడిగే ప్రశ్నలు థియరీ బేస్డ్, లాజికల్‌గా ఉంటాయి. కాబట్టి సంబంధిత ఫార్ములాలు, షార్ట్‌కట్ మెథడ్స్‌పై పట్టు సాధిస్తే ఈ విభాగంలో చక్కని స్కోర్ చేయవచ్చు.

కీలక చాప్టర్లు: మోడ్రన్ ఫిజిక్స్, మెకానిక్స్ (ఫ్రిక్షన్, డైనమిక్స్, వెలాసిటీ), ఎస్‌హెచ్‌ఎం, కరెంట్ ఎలక్ట్రిసిటీ, కెపాసిటర్స్, వెక్టర్స్, వేవ్ మోషన్- అప్లికేషన్స్, ఉష్ణం, ఎలక్ట్రోమాగ్నటిక్ ఇండక్షన్, రే ఆప్టిక్స్.

ఇంగ్లిష్:
ఈ విభాగంలో విద్యార్థి ప్రాథమిక పరిజ్ఞానాన్ని పరీక్షించే విధంగా ప్రశ్నలు ఉంటున్నాయి. ఈ క్రమంలో కరెక్షన్ ఆఫ్ సెంటెన్సెస్, యాంటానిమ్స్, సినానిమ్స్, వర్డ్ యూసేజ్, ప్రిపోజిషన్స్ యూసేజ్, ఆర్టికల్స్ యూసేజ్ వంటి వాటిపై దృష్టి సారించడం మేలు.

టార్గెట్ 165:
గత ఫలితాలను విశ్లేషిస్తే.. కనీసం 170 మార్కులను సాధిస్తే.. ఓపెన్ కేటగిరీలో సీటు ఖరారు చేసుకోవచ్చు. రిజర్వ్‌డ్ విద్యార్థులు మాత్రం 165 మార్కులకు తగ్గకుండా సాధించేందుకు ప్రయత్నించాలి.

రిఫరెన్స్ బుక్స్:
= ఎన్‌సీఈఆర్‌టీ -ఐసీఎస్‌ఈ 11,12 తరగతి పుస్తకాలు
= చాంద్ పబ్లికేషన్స్-బయాలజీ వాల్యూమ్ 1, 2
= క్యాంప్‌బెల్ బయాలజీ- 9వ ఎడిషన్
= కెమిస్ట్రీ - ఓపీ టాండన్
= కాన్సెప్ట్స్ ఆఫ్ ఫిజిక్స్ - హెచ్‌సీ వర్మ
= ఇంగ్లిష్ కోసం ఏదో ఒక ప్రామాణిక పుస్తకం.

జిప్‌మర్-2013 సమాచారం:
అర్హత: 10+2/తత్సమానం (ఫిజిక్స్, కెమిస్ట్రీ, బయాలజీ/ బయోటెక్నాలజీ).
ఆన్‌లైన్ దరఖాస్తుకు చివరి తేదీ: మే 4, 2013.
పరీక్ష తేదీ: జూన్ 2, 2013.
వివరాలకు: http://jipmer.edu.in/

నాణ్యమైన చదువుకు కేరాఫ్.. గురుకులాలు - ఏపీఆర్‌జేసీ సెట్ - 2013

పదో తరగతి... ప్రతి విద్యార్థి జీవితంలో టర్నింగ్ పాయింట్... భవిష్యత్తులో ఏ బాటలో ప్రయాణించాలన్నా.. తొలి అడుగు పడేది ఇక్కడే... ప్రస్తుత పోటీ ప్రపంచంలో విద్యార్థులను సమున్నతంగా తీర్చిదిద్దే విధంగా.. నాణ్యమైన ఉచిత ఇంటర్మీడియెట్ విద్యను అందిస్తున్నాయి.. ఆంధ్రప్రదేశ్ రెసిడెన్షియల్ జూనియర్ కాలేజీ (ఏపీఆర్‌జేసీ)లు.. ఈ గురుకులాల్లో ప్రవేశం కోసం నిర్వహించే ఏపీఆర్‌జేసీ-కామన్ ఎంట్రెన్స్ టెస్ట్(సెట్)-2013 నోటిఫికేషన్ వెలువడింది. వివరాలు..

ఆఫర్ చేస్తున్న గ్రూపులు:
ఏపీఆర్‌జేసీ కాలేజీల్లో ఆఫర్ చేస్తున్న గ్రూపులు- ఎంపీసీ, బైపీసీ, సీఈసీ, ఎంఈసీ, ఈఈటీ, సీజీడీఎం. వీటిల్లోంచి ప్రతి విద్యార్థి ఒక గ్రూప్‌నకు మాత్రమే దరఖాస్తు చేసుకునే అవకాశం ఉంటుంది. కృష్ణా జిల్లాలోని నిమ్మకూరు కాలేజీలో ఇంటర్ స్థాయిలో వృత్తి విద్యా కోర్సుల (ఈఈటీ, సీజీడీఎం)ను కూడా అందిస్తున్నారు.

అర్హత:
జీపీఏ 6తో పదో తరగతి/తత్సమాన పరీక్షలో ఉత్తీర్ణత (బీసీ/ఎస్సీ/ఎస్టీ/ మైనార్టీలకు జీపీఏ 5 ఉంటే సరిపోతుంది). 2013-ఎస్‌ఎస్‌సీ పరీక్షల్లో మొదటి ప్రయత్నంలోనే ఉత్తీర్ణులై ఉండాలి.

గ్రూప్ ఆధారంగా..సెట్:
ఏపీఆర్‌జేసీ సెట్‌ను ఆబ్జెక్టివ్ విధానంలో నిర్వహిస్తారు. ఇంటర్మీడియెట్‌లో ఎంచుకోవాలనుకుంటున్న గ్రూప్ ఆధారంగా.. నిర్దేశిత సబ్జెక్ట్‌లలో పరీక్షకు హాజరు కావాలి. ఈ క్రమంలో ఉండే సబ్జెక్ట్‌లు..
గ్రూప్- సబ్జెక్ట్‌లు - మార్కులు
ఎంపీసీ -ఇంగ్లిష్, మ్యాథ్స్, ఫిజికల్‌సైన్స్ -150
బైపీసీ- ఇంగ్లిష్, బయోసైన్స్, ఫిజికల్‌సైన్స్ -150
సీఈసీ- ఇంగ్లిష్, సోషల్, మ్యాథ్స్- 150
ఎంఈసీ- ఇంగ్లిష్, సోషల్, మ్యాథ్స్ -150
ఈఈటీ- ఇంగ్లిష్, మ్యాథ్స్, ఫిజికల్‌సైన్స్- 150
సీజీడీఎం- ఇంగ్లిష్, బయోసైన్స్, ఫిజికల్‌సైన్స్ -150

ఈ పరీక్షలో పైన పేర్కొన్న విధంగా ప్రతి సబ్జెక్ట్ నుంచి 50 ప్రశ్నల చొప్పున వస్తాయి (వీటికి ఒక్కొక్క మార్కు చొప్పున ప్రతి సబ్జెక్ట్‌కు 50 మార్కులు). మొత్తం ప్రశ్నల సంఖ్య 150. వ్యవధి: రెండున్నర గంటలు (150 నిమిషాలు).

తొలి రోజు నుంచే:
ఆంధ్రప్రదేశ్ రెసిడెన్షియల్ జూనియర్ కాలేజీల్లో ప్రవేశం పొందిన విద్యార్థులను కేవలం ఇంటర్మీడియెట్ ఎడ్యుకేషన్‌కే పరిమితం చేయకుండా.. వారిని ఉన్నతంగా తీర్చిదిద్దే విధంగా మరెన్నో అనుబంధ కోర్సుల్లో శిక్షణ కూడా లభిస్తుంది. వాటిలో.. ఎంపీసీ, బైపీసీ విద్యార్థులకు ఎంసెట్, జేఈఈ వంటి జాతీయ, రాష్ట్ర స్థాయి పోటీ పరీక్షలకు తొలిరోజు నుంచే సిద్ధం చేస్తారు. అదేవిధంగా ఆర్ట్స్, కామర్స్ విద్యార్థులను సీఏ, ఐసీడబ్ల్యుఏ వంటి కోర్సుల్లో రాణించే తరహాలో శిక్షణనిస్తారు. ఎంఈసీ, సీఈసీ విద్యార్థులకు సీపీటీ (ఇ్కఖీ) మోడల్ టెస్ట్‌లను కూడా నిర్వహిస్తారు. నిరంతర పర్యవేక్షణ కోసం కార్పొరేట్ తరహాలో ప్రతి అధ్యాపకుడి (లోకో పేరెంట్‌గా వ్యవహరిస్తారు)కీ 15-20 మంది విద్యార్థులను కేటాయిస్తారు. విద్యార్థి చదువు, అసైన్‌మెంట్లు, మూల్యాంకనం, స్టడీ మెటీరియల్ అందించడం ఇవన్నీ ఆ అధ్యాపకుడే చూసుకుంటారు. ఫిజికల్, స్పోర్ట్స్ యాక్టీవిటీస్‌కు తగినంత ప్రాధాన్యత ఉంటుంది. ఎన్‌సీసీ, ఎన్‌ఎస్‌ఎస్ విభాగాలను కూడా నిర్వహిస్తారు.

దరఖాస్తు విధానం:
దరఖాస్తులను అన్ని ఏపీ రెసిడెన్షియల్ స్కూల్స్, ఏపీ రెసిడెన్షియల్ కాలేజీలు, ఏపీ రెసిడెన్షియల్ డిగ్రీ కాలేజ్-నాగార్జునసాగర్, సిల్వర్ జూబ్లీ గవర్నమెంట్ కాలేజ్-కర్నూలు, జిల్లా విద్యాశాఖాధికారి కార్యాలయాలు (హైదరాబాద్, రంగారెడ్డి జిల్లాలు మినహా), కన్వీనర్ ఏపీఆర్‌జేసీ-ఆర్‌డీసీ సెట్-ఆఫీస్, ఎంపిక చేసిన కస్తూర్బా బాలికల విద్యాలయాల నుంచి పొందొచ్చు. పూర్తి చేసిన దరఖాస్తులను పోస్టు ద్వారా నిర్దేశిత చిరునామాకు పంపాలి.

దరఖాస్తుల స్వీకరణకు చివరి తేదీ: ఏప్రిల్ 17, 2013.
పరీక్ష తేదీ: మే 15, 2013
చిరునామా: కన్వీనర్, ఏపీఆర్‌జేసీ-ఆర్‌డీసీ-సెట్ 2013
ఏపీఆర్‌ఈఐఎస్ సొసైటీ, నాలుగో అంతస్తు,
గగన్ విహార్, నాంపల్లి, హైదరాబాద్-500 001.
వెబ్‌సైట్: www.apresidential.gov.in

ప్రిపరేషన్
పాలిసెట్
మ్యాథమెటిక్స్:

మ్యాథమెటిక్స్‌లో ఉండే 60 ప్రశ్నలలో.. త్రికోణమితి, వైశ్లేషిక రేఖాగణితం, రేఖా గణితం, సాంఖ్యక శాస్త్రం, మాత్రికల నుంచి దాదాపు 45-50 ప్రశ్నలు వచ్చే అవకాశం ఉంది. కాబట్టి వీటిపై ఎక్కువ దృష్టి సారించాలి. అంతేకాకుండా ప్రశ్నలు అప్లికేషన్ పద్ధతిలో అడుగుతారు. ఈ అంశాన్ని దృష్టిలో ఉంచుకుని ప్రిపరేషన్ సాగించాలి.

రిఫరెన్స్: పదో తరగతి పుస్తకాలతోపాటు మార్కెట్‌లో లభించే స్టాండర్డ్ మెటీరియల్‌ను బాగా ప్రాక్టీస్ చేయాలి. కోచింగ్ తీసుకోవడం కూడా లాభిస్తుంది.

ఫిజికల్ సైన్స్:
ఫిజిక్స్‌లో గతి శాస్త్రం, శుద్ద గతిక శాస్త్రం, విద్యుత్, అయస్కాంతత్వం, ఆధునిక భౌతిక శాస్త్రం, ఎలక్ట్రానిక్స్, కాంతి వంటి అంశాలపై అధికంగా దృష్టి సారించాలి. అంతేకాకుండా సంబంధిత సమస్యలను సాధించటం అలవర్చుకోవాలి. ఈ క్రమంలో భావనలు, ఫార్ములాలు, సూత్రాలపై పట్టు సాధించాలి. రసాయన శాస్త్రంలో పరమాణు నిర్మాణం, రసాయన బంధం, ఆవర్తన పట్టిక, కర్బన రసాయన శాస్త్రం, సంకేతాలు- ఫార్ములాలు- సమీకరణాలు, ద్రావణాలు వంటి అంశాలపై పట్టు సాధించాలి. రిఫరెన్స్: 8,9,10వ తరగతుల ఫిజికల్ సైన్స్ పాఠ్యపుస్తకాలు.
ఏపీఆర్‌జేసీ-సెట్

మ్యాథమెటిక్స్:
మ్యాథమెటిక్స్‌లో అన్ని చాప్టర్ల నుంచి దాదాపు నాలుగు లేదా ఐదు ప్రశ్నలు రావచ్చు. ఏకఘాత ప్రణాళిక, గణన నుంచి ఒకటి/రెండు ప్రశ్నలు అడగవచ్చు. ఇందులో ప్రశ్నలు కూడా అప్లికేషన్ పద్ధతిలోనే ఉంటాయి. 60 శాతం ప్రశ్నలు సులువుగా సాధించేవిగా ఉంటే 40 శాతం ప్రశ్నలను అడ్వాన్స్‌డ్ స్థాయిలో అడుగుతారు.

రిఫరెన్స్: పదో తరగతి పుస్తకాలతోపాటు మార్కెట్‌లో లభించే స్టాండర్డ్ మెటీరియల్‌ను బాగా ప్రాక్టీస్ చేయాలి. కోచింగ్ తీసుకోవడం కూడా లాభిస్తుంది.

ఫిజికల్ సైన్‌‌స:
ఫిజిక్స్‌లో గతి శాస్త్రం, శుద్ద గతిక శాస్త్రం, విద్యుత్, అయస్కాంతత్వం, ఆధునిక భౌతిక శాస్త్రం, ఎలక్ట్రానిక్స్, కాంతి వంటి అంశాలపై దృష్టి సారించాలి. ప్రశ్నలు అప్లికేషన్ మెథ డ్‌లో ఉంటాయి. అంతేకాకుండా సంబంధిత సమస్యలను సాధించటం అలవర్చుకోవాలి. ఈ క్రమంలో భావనలు, ఫార్ములాలు, సూత్రాలపై పట్టు సాధించాలి. కెమిస్ట్రీలో పరమాణు నిర్మాణం, రసాయన బంధం, ఆవర్తన పట్టిక, కర్బన రసాయన శాస్త్రం, సంకేతాలు- ఫార్ములాలు- సమీకరణాలు, ద్రావణాలు వంటి అంశాలపై పట్టు సాధించాలి.
రిఫరెన్స్: 8-10వ తరగతుల ఫిజికల్ సైన్స్ పాఠ్యపుస్తకాలు.

సోషల్:
ఈ విభాగంలో 8,9,10 తరగతి సిలబస్ ఆధారంగా ప్రశ్నలు వస్తాయి. ఈక్రమంలో ..
భూగోళ శాస్త్రం: భూమి, సౌర కుటుంబం, భూకంపాలు, అక్షాంశాలు-రేఖాంశాలు, ప్రపంచ ప్రకృతి సిద్ధ మండలాలు, దేశ/రాష్ట్ర భౌగోళిక అంశాలు.. శీతోష్ణస్థితి, ఖనిజాలు, అడవులు, నదులు, వ్యవసాయం, రవాణా, జనాభా వంటి అంశాలపై దృష్టి సారించాలి.

చరిత్ర: ప్రపంచ యుద్ధాలు, పూర్వ చారిత్రక యుగం, ప్రాచీన ఇనుప-మధ్యయుగ నాగరికతలు, ప్రపంచ విప్లవాలు (రష్యా, ఫ్రెంచ్ విప్లవం వంటివి), భారతదేశ చరిత్ర-వారసత్వ సంపద, స్వాతంత్రోద్యమం వంటి అంశాలు కీలకమైనవి.

పౌరశాస్త్రం: భారత రాజ్యాంగం-మౌలిక అంశాలు, ప్రజాస్వామ్యం, సామ్యవాదం, లౌకిక రాజ్యం,కేంద్ర-రాష్ట్ర ప్రభుత్వాలు, స్థానిక సంస్థలు, ఐక్యరాజ్యసమితి, రవాణా విద్య వంటి అంశాలపై అధికంగా దృష్టి సారించాలి.

ఆర్థిక శాస్త్రం: జాతీయాదాయం, ప్రణాళికలు-విజయాలు- వైఫల్యాలు, భారత ఆర్థిక వ్యవస్థ-సమస్యలు వంటి అంశాలపై కీలకమైనవి.
రిఫరెన్స్ బుక్స్: 8, 9, 10 తరగతుల సోషల్ పుస్తకాలు

బయాలజీ:
ఈ సబ్జెక్ట్‌లో పూర్తిగా 10వ తరగతి సిలబస్ ఆధారంగా ప్రశ్నలు వస్తాయి. ఈ క్రమంలో జీవన విధానాలు, నియంత్రణ-సమన్వయం, పోషణ వంటి అధ్యాయాలను సమగ్రంగా ప్రిపేర్ కావాలి. వీటి నుంచి అధిక శాతం ప్రశ్నలు వచ్చే అవకాశం ఉంది. మిగిలిన ప్రత్యుత్పత్తి, హెచ్‌ఐవీ-ఎయిడ్స్ నుంచి ఒకటి రెండు మినహా ఎక్కువ ప్రశ్నలు రాకపోవచ్చు.
రిఫరెన్స్ బుక్స్: 10వ తరగతి బయాలజీ పుస్తకం.

ఇంగ్లిష్:
ఈ సబ్జెక్ట్‌కు ప్రత్యేక సిలబస్ అంటూ ఏదీ లేదు. ఇంగ్లిష్‌లో విద్యార్థి ప్రాథమిక పరిజ్ఞానాన్ని పరిశీలించే విధంగా గ్రామర్ అంశాలపై ప్రశ్నలు వస్తాయి. ఈ క్రమంలో Synonyms, Antonyms, Articles, Prepositions, Correction of sentences, Active voice, passive voice, Direct– indirect speech, Phrasal Verbs, Tenses, Meanings, Vocabulary, Opposites, Other form of verbs తదితరాలపై దృష్టి పెట్టాలి. ప్రశ్నల క్లిష్టత పదో తరగతి స్థాయిలో ఉంటుంది కాబట్టి.. పదో తరగతి వరకు చదువుకున్న గ్రామర్ అంశాలను ఒక్క సారి పునశ్చరణ చేసుకుంటే సరిపోతుంది.

సాంకేతిక విద్యకు తొలి మెట్టు పాలిటెక్నిక్ - APRJC-CET / POLYCET -

పాలిసెట్-2013

పదో తరగతి తర్వాత ఎన్నో అవకాశాలు.. మరెన్నో ప్రత్యామ్నాయాలు.. మారుతున్న ప్రపంచంలో టెక్నికల్ విద్యకు ప్రాధాన్యత పెరుగుతున్న తరుణంలో.. అందుకు మొదటి మెట్టుగా నిలిచేవి పాలిటెక్నిక్ కోర్సులు.. ఈ కోర్సుల్లో ప్రవేశం కోసం నిర్వహించే పాలిసెట్ (పాలిటెక్నిక్ కామన్ ఎంట్రెన్స్ టెస్ట్)-
2013 నోటిఫికేషన్ వెలువడిన నేపథ్యంలో.. సంబంధిత వివరాలు..

పరీక్షా విధానం:
పాలిసెట్‌లో మొత్తం 120 ప్రశ్నలు ఉంటా యి.వీటికి ఒక్కొక్క మార్కు చొప్పున మొత్తం మార్కులు 120. రెండు గంటల్లో (120 నిమిషాల్లో) సమాధానాలను గుర్తించాలి. మొత్తం మూడు సబ్జెక్టుల్లో ప్రశ్నలు వస్తాయి. అవి.. మ్యాథమెటిక్స్, ఫిజిక్స్, కెమిస్ట్రీ. సబ్జెక్ట్‌ల వారీగా ప్రశ్నల విభజనను పరిశీలిస్తే..

మ్యాథమెటిక్స్ -60 ప్రశ్నలు
ఫిజిక్స్ -30 ప్రశ్నలు
కెమిస్ట్రీ -30 ప్రశ్నలు

పాలిసెట్‌తో:
పాలిసెట్‌తో ర్యాంకుతో రాష్ట్రంలో దాదాపు 360 కి పైగా ఉన్న పాలిటెక్నిక్‌లలో సివిల్, మెకానికల్, ఎలక్ట్రికల్, ఎలక్ట్రానిక్స్, ఆటోమొబైల్, తదితర ఇంజనీరింగ్ బ్రాంచ్‌లలో డిప్లొమా కోర్సులలోకి అడుగుపెట్టొచ్చు. ఫలితంగా భవిష్యత్తులో ఇంజనీరింగ్ దిశగా అడుగులు వేయొచ్చు. మూడేళ్ల డిప్లొమా పూర్తి చేసిన విద్యార్థులు ఇంజనీరింగ్ బ్యాచిలర్ డిగ్రీ (బీటెక్)లో నేరుగా రెండో సంవత్సరంలో లేటరల్ ఎంట్రీ స్కీం ద్వారా ప్రవేశించొచ్చు. ఉపాధి అవకాశాలు కూడా అధికమే. డిప్లొమా ఇంజనీరింగ్ ఉత్తీర్ణులను పలు ప్రైవేటు, ప్రభుత్వ రంగ సంస్థలు ట్రైనీలుగా నియమించుకుంటున్నాయి.

దరఖాస్తు విధానం:
అన్ని పాలిటెక్నిక్ కాలేజీల్లో రూ. 20 చెల్లించి పాలిసెట్ దరఖాస్తులను పొందొచ్చు. లేదా రూ. 330 చెల్లించి ఏపీ ఆన్‌లైన్ సెంటర్లు, హెల్ప్ లైన్ సెంటర్లు, ఈ సేవా కేంద్రాల ద్వారా ఆన్‌లైన్‌లో దరఖాస్తు చేసుకోవచ్చు.

పాలిసెట్ -2013 సమాచారం:
అర్హత: పదో తరగతి ఉత్తీర్ణత.
(2013లో హాజరైన వారు కూడా అర్హులే.)
దరఖాస్తుకు చివరి తేదీ: ఏప్రిల్ 25, 2013
పాలిసెట్ తేదీ: మే 2, 2013
వెబ్‌సైట్: https://sbtetap.gov.in

ఫారెన్ లాంగ్వేజెస్/ జర్నలిజం

ఫారెన్ లాంగ్వేజెస్
ప్రపంచీకరణ నేపథ్యంలో ప్రపంచమే ఓ కుగ్రామంగా మారిపోయింది. వివిధ దేశాలకు చెందిన బహుళజాతి కంపెనీలు మరో దేశంలో పాగా వేస్తున్నాయి. అంతేకాకుండా సంబంధిత దేశాల్లో కంపెనీలతో వ్యాపార లావాదేవీలు నిర్వహించడం, పరస్పరం సంప్రదింపులు వంటి కార్యకలాపాలు చేస్తున్నాయి. దీంతో సంబంధిత విదేశీ భాష తెలిసి ఉండటం తప్పనిసరి అవుతోంది. ఈ కారణంగా విదేశీభాషలు నేర్చుకున్న వారికి విపరీతమైన డిమాండ్ ఏర్పడింది. అంతేకాకుండా నాన్ ఇంగ్లిష్ స్పీకింగ్ దేశాలకు ఉన్నత విద్య కోసం వెళ్లే భారతీయ విద్యార్థుల సంఖ్య ఏడాదికేడాది పెరుగుతుండటం వంటి కారణాల వల్ల విదేశీ భాషలు నేర్చుకోవాలనుకునేవారి సంఖ్య అంతకంతకూ పెరుగుతోంది.

ప్రవేశం.. కోర్సులు:
దేశంలో విదేశీ భాషలు అందిస్తోన్న యూనివర్సిటీలు ఎన్నో ఉన్నాయి. బేసిక్స్ నుంచి అడ్వాన్స్‌డ్ స్థాయి వరకు వివిధ స్థాయిల్లో పలు కోర్సులు అందుబాటులో ఉన్నాయి. ప్రొఫెషనల్ కోర్సుల మాదిరిగానే ఈ కోర్సుల్లో ప్రవేశానికి కావల్సిన అర్హత ఇంటర్మీడియెట్ లేదా తత్సమానం. కొన్ని యూనివర్సిటీలు.. డిప్లొమా/సర్టిఫికెట్ కోర్సులను అందిస్తుంటే మరికొన్ని ఐదేళ్ల ఇంటిగ్రేటెడ్ కోర్సులను కూడా ఆఫర్ చేస్తున్నాయి. ఈ కోర్సులనందించడంలో హైదరాబాద్‌లోని ఇంగ్లిష్ అండ్ ఫారెన్ లాంగ్వేజెస్ యూనివర్సిటీ(ఇఫ్లూ), జవహర్‌లాల్ నెహ్రూ యూనివర్సిటీ (ఢిల్లీ) లకు మంచి పేరుంది. హైదరాబాద్‌లో ఉన్న రామకృష్ణ మఠం వంటి కొన్ని సంస్థలు కూడా విదేశీ భాషలను అందిస్తున్నాయి.

డిమాండ్ ఉన్న భాషలు:
గ్లోబలైజేషన్‌తో పారిశ్రామిక రంగంతోపాటు వివిధ రంగాల్లో వస్తున్న మార్పుల కారణంగా ఫారెన్ లాంగ్వేజెస్‌లో నిష్ణాతులైన అభ్యర్థుల అవసరం పెరుగుతుంది. ముఖ్యంగా నాన్-ఇంగ్లిష్ స్పీకింగ్ దేశాల భాష తెలిసిన వారికి మంచి అవకాశాలు ఉంటున్నాయి. ఈ నేపథ్యంలో.. ఫ్రెంచ్, జర్మన్, రష్యన్, చైనీస్, స్పానిష్, జపనీస్ భాషలకు విపరీతమైన డిమాండ్, ఆదరణ ఉంటోంది.

బోధించే అంశాలు:
సాధారణంగా డిగ్రీ స్థాయిలో.. తొలి ఏడాదంతా ఇంగ్లిష్‌లోనే బోధన ఉంటుంది. తర్వాతి రెండేళ్లు సంబంధిత భాషా సాహిత్యం, ఫొనెటిక్స్, క్లాసికాలజీ, ట్రాన్స్‌లేషన్, దేశ సంస్కృతి, సంప్రదాయాలపై అవగాహన కల్పిస్తారు. సర్టిఫికెట్, డిప్లొమా, అడ్వాన్స్‌డ్ డిప్లొమా తదితర కోర్సుల సిలబస్‌లో నిర్ణీత లాంగ్వేజ్, ఇంగ్లిష్‌లపైనే ఎక్కువ దృష్టి సారిస్తారు. ఆయా దేశాల పరిస్థితులపై అవగాహన కలిగేలా మరికొన్ని సబ్జెక్టులను బోధిస్తారు.

కెరీర్:
ఫారెన్ లాంగ్వేజ్ స్కిల్స్ ఉన్న అభ్యర్థులకు అవకాశాలు విస్తృతం. వీరికి సెక్రటేరియల్ స్థాయి నుంచి ఎగ్జిక్యూటివ్ వరకు వివిధ స్థాయిల్లో ఉపాధి అవకాశాలు ఉం టాయి. ట్రాన్స్‌లేటర్స్, ఇంటర్‌ప్రిటేటర్స్, డీకోడర్స్, టెక్నికల్ రైటర్స్, కంటెంట్ రైటర్స్, టూర్ ఆపరేటర్స్, ఫ్యాకల్టీ వంటి వివిధ స్థాయిల్లో స్థిరపడొచ్చు. వివిధ ఐటీ కంపెనీలు, మీడియా, బోధన, పరిశ్రమలు, కార్పొరేట్ హౌసెస్, రీసెర్చ్ ఆర్గనైజేషన్స్, పబ్లిషింగ్ హౌస్‌లు, విదేశీ వ్యవహారాల మంత్రిత్వ శాఖ, విదేశీ రాయబార కార్యాలయాల్లో అవకాశాలు ఉంటాయి.

ట్రాన్స్‌లేటర్స్.. ఇంటర్‌ప్రిటేటర్స్:
విదేశీ భాష నిపుణుల్లో అత్యధిక మందికి ఉపాధి కల్పిస్తున్న రంగం ట్రాన్స్‌లేషన్(అనువాదం). భాషపై మంచి పట్టు, అర్థాన్ని మార్చకుండా చక్కగా అనువదించే నేర్పు ఉంటే ఎదగడానికి అవకాశాలెన్నో. మల్టీ నేషనల్ కంపెనీలు దేశంలో అడుగుపెట్టడంతో.. మన కంపెనీలు ఫారెన్ కంపెనీలతో జాయింట్ వెంచర్స్‌కు ప్రాధాన్యతనిస్తున్నాయి. ఈ ప్రక్రియలో విదేశీ ప్రతినిధులతో సంప్రదింపులు, డాక్యుమెంటేషన్ వ్యవహారాల కోసం సంబంధిత విదేశీ భాషపై పట్టు ఉన్న వారు అవసరమవుతున్నారు. టెక్నికల్, సైంటిఫిక్, బిజినెస్, సాహిత్యం రంగాల్లో కూడా వీరు తప్పనిసరి కావడంతో సంబంధిత ఆర్గనైజేషన్స్ ఆకర్షణీయమైన ప్యాకేజీలతో ట్రాన్స్‌లేటర్లను రిక్రూట్ చేసుకుంటున్నాయి. భారత్‌లో ఐటీ రంగ వృద్ధి జోరుగా ఉంది. ప్రపంచదేశాల నుంచి అనేక ప్రాజెక్టులు ఐటీ కంపెనీలకు వస్తున్నాయి. ఈ నేపథ్యంలో ఆ ప్రాజెక్టు నివేదికల తర్జుమాకు పెద్ద ఎత్తున ట్రాన్స్‌లేటర్లు అవసరం ఉంది. ఒక వ్యక్తి మాటలను అనువాదం చేసి మరొక వ్యక్తికి అప్పటికప్పుడు వినిపించే ప్రక్రియే ఇంటర్‌ప్రిటేషన్. వీరి అవసరం సెమినార్లు, కాన్ఫరెన్స్‌లు, సభలలో ఉంటుంది.

టీచింగ్:
ఫారెన్ లాంగ్వేజెస్ అభ్యర్థులకు ఉపాధి వేదికగా నిలుస్తోన్న మరో రంగం టీచింగ్. ఈ వృత్తిలో ప్రవేశించిన వారికి బోధనతోపాటు సంబంధిత భాషలో మరింత నిష్ణాతులుగా తయారయ్యే అవకాశం దీని వల్ల లభిస్తుంది. ప్రస్తుతం దేశంలోని పలు కార్పొరేట్ స్కూళ్లు, కాలేజీలు విదేశీ భాష కోర్సులను నిర్వహిస్తున్నాయి. కాబట్టి ఆ దిశగా కూడా అవకాశాలు అనేకం.

ఆఫర్ చేస్తున్న సంస్థలు:
* ఇంగ్లిష్ అండ్ ఫారెన్ లాంగ్వేజెస్ యూనివర్సిటీ-
హైదరాబాద్, లక్నో, షిల్లాంగ్ క్యాంపస్‌లు.
కోర్సులు: అడ్వాన్స్‌డ్ డిప్లొమా ఇన్ రష్యన్
ఐదేళ్ల ఇంటిగ్రేటెడ్ కోర్సు (అరబిక్/ఫ్రెంచ్/స్పానిష్/జర్మన్/రష్యన్) పీజీ డిప్లొమా ఇన్ అరబిక్
వెబ్‌సైట్: www.efluniversity.ac.in
* ఉస్మానియా యూనివర్సిటీ-హైదరాబాద్
వెబ్‌సైట్: www.osmania.ac.in
* జవహర్‌లాల్ నెహ్రూ యూనివర్సిటీ-ఢిల్లీ.
వెబ్‌సైట్: www.jnu.ac.in
* రామకృష్ణ మఠం-హైదరాబాద్
వెబ్‌సైట్: www.rkmath.org

గ్లోబలైజేషన్ నేపథ్యంలో..
ఇఫ్లూలో ఫ్రెంచ్, జర్మన్, రష్యన్, జపనీస్, అరబిక్ లాంగ్వేజ్‌లలో బీఏ ఆనర్స్ కోర్సులు, పార్ట్‌టైం విధానంలో కొరియన్, చైనీస్, పర్షియన్ లాంగ్వేజ్‌లలో డిప్లొమా, అడ్వాన్స్‌డ్ డిప్లొమా, సర్టిఫికెట్ కోర్సులు కూడా అందుబాటులో ఉన్నాయి. ప్రస్తుత గ్లోబలైజేషన్ నేపథ్యంలో దాదాపు అన్ని రంగాల్లోనూ జాయింట్ వెంచర్లు ఏర్పాటవుతున్నాయి. ప్రస్తుత పరిస్థితుల్లో స్పానిష్, ఫ్రెంచ్, సౌత్ కొరియన్, ఇటాలియన్ లాంగ్వేజ్‌లకు కొంచెం ఎక్కువ డిమాండ్ ఉంది. దీన్ని దృష్టిలో పెట్టుకుని ఏ అకడెమిక్ డిగ్రీ ఉన్న అభ్యర్థులైనా ఏదో ఒక ఫారెన్ లాంగ్వేజ్‌ను నేర్చుకుంటే అదనపు ప్రయోజనం కలుగుతుంది. ఉదాహరణకు అమెరికాలో స్థిరపడాలనుకునే ఒక ఇంజనీరింగ్ విద్యార్థి తాను చేరే సంస్థకు అవసరమైన లాంగ్వేజ్‌ను నేర్చుకుని అడుగుపెడితే త్వరగా రాణించగలడు. ఇక.. పూర్తి స్థాయిలో ఫారెన్ లాంగ్వేజ్ సర్టిఫికెట్ హోల్డర్లకు ప్రధానమైన ఉపాధి వేదికలు ట్రావెల్ అండ్ టూరిజం, టీచింగ్, ట్రాన్స్‌లేషన్. దేశంలో దాదాపు 40 యూనివర్సిటీలు ఫారెన్ లాంగ్వేజ్ కోర్సులను అందిస్తున్నాయి. వాటిలో అధ్యాపకులకు కనీసం రూ. 40 వేల జీతం లభిస్తోంది. టూరిజం విభాగంలో గైడ్లుగా పనిచేస్తూ రోజుకు రూ. 15 వేల నుంచి రూ. 20 వేలు సంపాదించేవారు కూడా ఉన్నారంటే అతిశయోక్తి కాదు. ఇటీవల కాలంలో ఆన్‌లైన్ ట్రాన్స్‌లేషన్ ఒక పరిశ్రమగా రూపొందుతోంది. దీని ద్వారా లభించే ఆదాయానికి ఆకాశమే హద్దు.

జర్నలిజం
భారతదేశంలో మీడియాలోకి విదేశీ పెట్టుబడులను కేంద్రం అనుమతిస్తుండడంతో ఈ రంగంలోకి అనేక సంస్థలు ప్రవేశిస్తున్నాయి. దీంతో మీడియా రంగంలో అవకాశాలు కోకొల్లలు అని చెప్పొచ్చు. మీడియా మాస్ కమ్యూనికేషన్ అంటే ఒక్క ప్రింట్, ఎలక్ట్రానిక్ మీడియానే కాదు... ఇంకా సినిమాలు, అడ్వర్టైజింగ్, డిజిటల్ మీడియా, రేడియోలు, పరిశ్రమలు, సంస్థల్లో పబ్లిక్ రిలేషన్ విభాగం, ఎడిటింగ్, స్క్రిప్ట్‌రైటింగ్, మ్యాగజైన్స్, వెబ్ జర్నలిజం.. ఇలా అన్నీ వస్తాయి. వీటన్నింటిలో అత్యంత శక్తివంతమైన సాధనాలు పత్రికలు, టీవీలు. అందుకే గత ఐదేళ్లలో భారతదేశంలో టీవీ, పత్రికా రంగాలు గణనీయంగా వృద్ధి చెందాయి. దేశంలో జర్నలిజంలో శిక్షణ ఇచ్చే ప్రతిష్టాత్మక సంస్థలు ఎన్నో ఉన్నాయి. కొన్ని విశ్వవిద్యాలయాలు జర్నలిజం అండ్ మాస్ కమ్యూనికేషన్ పేరుతో రెండేళ్ల కోర్సు నిర్వహిస్తున్నాయి.

మీడియాలో పోటీ నెలకొనడంతో నిష్ణాతులైన అభ్యర్థుల కోసం దేశవ్యాప్తంగా అనేక పత్రికలు, ఛానళ్లు సొంతంగా జర్నలిజంలో శిక్షణ ఇస్తూ ఉద్యోగ అవకాశాలు కల్పిస్తున్నాయి. కొన్ని సంస్థలు నేరుగా విశ్వవిద్యాలయాల విద్యార్థులకు ఉద్యోగావకాశాలు కల్పిస్తున్నాయి. మన రాష్ట్రంలో ప్రధాన దినపత్రికలన్నింటికి సొంతంగా జర్నలిజం స్కూళ్లు ఉన్నాయి. వీటిల్లో నియామకాలకు ఖాళీలను బట్టి నోటిఫికేషన్లు విడుదల చేసి అభ్యర్థులను భర్తీ చేసుకుంటాయి. అదేవిధంగా జాతీయస్థాయి దినపత్రికలైన ది హిందూ, టైమ్స్ ఆఫ్ ఇండియా వంటి పత్రికలకు సొంతంగా జర్నలిజం స్కూళ్లు ఉన్నాయి.

మన రాష్ట్రంలో మీడియా కోర్సులు:
* ఆంధ్రా యూనివర్సిటీ - విశాఖపట్నం
కోర్సు: ఎంజేఎంసీ
అర్హత:
బీఏ/బీకాం/బీఎస్సీ/బీబీఎం/బీసీఏ ఉత్తీర్ణత.
వెబ్‌సైట్: http://andhrauniversity.info
* ఆచార్య నాగార్జున యూనివర్సిటీ - గుంటూరు
కోర్సు:
ఎంఏ జర్నలిజం అండ్ మాస్ కమ్యూనికేషన్
అర్హత: ఏదైనా డిగ్రీ ఉత్తీర్ణత.
వెబ్‌సైట్: www.nagarjunauniversity.ac.in
* కృష్ణా యూనివర్సిటీ - మచిలీపట్నం
కోర్సు:
ఎంఏ జర్నలిజం అండ్ మాస్ కమ్యూనికేషన్
అర్హత: ఏదైనా డిగ్రీ ఉత్తీర్ణత.
వెబ్‌సైట్: www.krishnauniversity.ac.in
* } వేంకటేశ్వర యూనివర్సిటీ- తిరుపతి
కోర్సు: ఎంసీజే (కమ్యూనికేషన్ అండ్ జర్నలిజం)
అర్హత: ఏదైనా డిగ్రీ
వెబ్‌సైట్: http://svuniversity.in
* ఉస్మానియా యూనివర్సిటీ-హైదరాబాద్
కోర్సు: బీసీజే (వ్యవధి: ఏడాది)
అర్హత: 40శాతం మార్కులతో బీఏ/బీఎస్సీ/బీకాం
కోర్సు: ఎంసీజే (వ్యవధి: ఏడాది)
అర్హత: 40 శాతం మార్కులతో బీసీజే ఉత్తీర్ణత.
కోర్సు: ఎంసీజే (వ్యవధి: రెండేళ్లు)
అర్హత: ఏదైనా డిగ్రీ
వెబ్‌సైట్: www.osmania.ac.in
* యూనివర్సిటీ ఆఫ్ హైదరాబాద్
కోర్సు: ఎంఏ కమ్యూనికేషన్ (కమ్యూనికేషన్ అండ్ మీడియా స్టడీస్, ప్రింట్ జర్నలిజం అండ్ న్యూ మీడియా, టెలివిజన్ అండ్ రేడియో)
అర్హత:
55 శాతం మార్కులతో ఏదైనా బ్యాచిలర్ డిగ్రీ.
వెబ్‌సైట్: www.uohyd.ac.in
* ఏసియన్ కాలేజ్ ఆఫ్ జర్నలిజం - చెన్నై
కోర్సు: పోస్ట్‌గ్రాడ్యుయేట్ డిప్లొమా ప్రోగ్రామ్
స్పెషలైజేషన్స్:
{పింట్, న్యూ మీడియా, టీవీ అండ్ రేడియో
అర్హత: ఏదైనా డిగ్రీ ఉత్తీర్ణత.
వెబ్‌సైట్: www.asianmedia.org/index.asp
* టైమ్స్ స్కూల్ ఆఫ్ జర్నలిజం - న్యూఢిల్లీ
కోర్సు:పోస్ట్‌గ్రాడ్యుయేట్ డిప్లొమా ఇన్ జర్నలిజం.
అర్హత: 45 శాతం మార్కులతో ఏదైనా డిగ్రీ.
వెబ్‌సైట్: www.tcms.in
* ఎక్స్‌ప్రెస్ ఇన్‌స్టిట్యూట్ ఆఫ్ మీడియా స్టడీస్
-న్యూఢిల్లీ
కోర్సు: ప్రోగ్రామ్ ఇన్ జర్నలిజం
అర్హత: 50 శాతం మార్కులతో ఏదైనా డిగ్రీ.
వెబ్‌సైట్: www.exims.in

మీడియా... కెరీర్ స్కోప్:
మీడియా సంస్థల్లో జర్నలిస్టులు ముఖ్యంగా రిపోర్టర్, సబ్‌ఎడిటర్, ఆపై హోదాల్లో పనిచేస్తారు. అయితే జర్నలిస్టులు కావాలనుకునేవారిని రాష్ర్టంలో పలు పత్రికలు, టీవీ ఛానళ్లు సొంత జర్నలిజం స్కూలు ద్వారా ఎంపిక చేసుకుని వారికి ఏడాది శిక్షణతో జర్నలిస్టులుగా తయారుచేస్తున్నాయి. శిక్షణ దశలో వీరికి వేతనాలు రూ.5 వేల నుంచి రూ.2 వేలలోపు ఉంటాయి. శిక్షణ తర్వాత తమ సంస్థల్లో వీరిని ప్రొబేషనరీ జర్నలిస్టులుగా నియమిస్తాయి. ఆ తర్వాత పనితీరు ఆధారంగా సంస్థ ఉద్యోగిగా నియామకం ఖరారుచేస్తాయి. వీరికి మొదట రూ.10 వేల నుంచి సీనియారిటీ ఆధారంగా రూ.60 వేలకు వరకు లభిస్తాయి.

* రిపోర్టర్: వీరంతా క్షేత్రస్థాయిలో తిరుగుతారు. ముఖ్యంగా ప్రభుత్వ కార్యాలయాలు, రాజకీయపార్టీలు, వివిధ స్వచ్ఛంధ సంస్థల చుట్టూ తిరుగుతూ వార్తలు సేకరిస్తారు. ప్రతిరోజూ సమాజంలో జరిగే అన్ని కీలక పరిణామాలను గమనిస్తూ వార్తలు, వ్యాఖ్యానాలు, కథనాలు, విశ్లేషణలు చేస్తారు. వీరు రాసే కథనాలు, వార్తలు మరుసటి రోజు టీవీలు, పత్రికల్లో వస్తాయి.

* సబ్‌ఎడిటర్, కాపీ ఎడిటర్: పత్రికల్లో పనిచేసే వారిని సబ్‌ఎడిటర్లని, టీవీల్లో పనిచేసే వాళ్లను కాపీఎడిటర్ అని పిలుస్తారు. రిపోర్టర్లు తీసుకొచ్చిన వార్తలను సబ్ ఎడిటర్లు పరిశీలించి సమగ్రంగా తీర్చిదిద్దుతారు. టీవీల్లో పనిచేసే కాపీఎడిటర్లు విలేకరి తీసుకువచ్చిన వార్తల చిత్రాలను క్లుప్తీకరించి వీక్షకులకు తక్షణం అర్థమయ్యేలా రూపొందిస్తారు.

* న్యూస్ రీడర్: నిత్యం టీవీల్లో వార్తలను చదివేవారిని న్యూస్‌రీడర్లు అంటారు. కనీస అర్హత డిగ్రీ ఉంటేనే ఆయా ఛానళ్లు తీసుకుంటాయి. మంచి మాటతీరు, ఆకర్షణీయరూపం ఉన్నవాళ్లకు ఆయా సంస్థలు శిక్షణ ఇచ్చి న్యూస్‌రీడర్ ఉద్యోగాలు కేటాయిస్తాయి.

డిగ్రీలోనూ గ్రూప్ సబ్జెక్ట్‌గా జర్నలిజం
జర్నలిజం అంటే సాధారణ బ్యాచిలర్ డిగ్రీ అర్హతతో ప్రవేశం కల్పించే బీసీజేనే గుర్తుకొస్తుంది. కానీ ఇటీవల కాలంలో జర్నలిజంకు పెరుగుతున్న ప్రాధాన్యత దృష్ట్యా బ్యాచిలర్ డిగ్రీ స్థాయిలోనే గ్రూప్ సబ్జెక్ట్‌ల్లో ఒక సబ్జెక్ట్‌గా జర్నలిజంను కొన్ని కళాశాలలు అందిస్తున్నాయి. ఉస్మానియా యూనివర్సిటీ పరిధిలో కోఠి మహిళా డిగ్రీ కళాశాలలో ఈ కోర్సు అందుబాటులో ఉంది. ప్రైవేట్ రంగంలో మరికొన్ని కళాశాలలు కూడా జర్నలిజం గ్రూప్ సబ్జెక్ట్‌గా బ్యాచిలర్ డిగ్రీ కోర్సును అందిస్తున్నాయి. ఈ కోర్సును మరిన్ని కళాశాలల్లో రూపొందించాలనే ప్రణాళికలు ఉన్నప్పటికీ అధ్యాపకుల కొరత కారణంగా ఆచరణ సాధ్యం కావట్లేదు. ఇక.. ఈ కోర్సు పూర్తి చేసిన వారు ఇండియన్ ఇన్ఫర్మేషన్ సర్వీసెస్ ఎగ్జామినేషన్‌కు అర్హులు. అదే విధంగా ప్రైవేట్ రంగంలో పలు సంస్థల్లో పబ్లిక్ రిలేషన్ ఆఫీసర్లుగా, ఎగ్జిక్యూటివ్స్‌గా అవకాశాలు లభిస్తున్నాయి. ప్రారంభంలో రూ. 15 వేల జీతం అందుకునే వీలుంది. ఉన్నత విద్యా పరంగా యూజీసీ-నెట్ జేఆర్‌ఎఫ్‌కు అర్హత లభిస్తే.. ఈ రంగంలో పరిశోధన చేసేందుకుగాను అయిదేళ్లపాటు నెలకు రూ. 22 వేల స్టైఫండ్ కూడా లభిస్తుంది. ఇలా.. ఇప్పుడిప్పుడే వేగంగా జర్నలిజం వృద్ధి చెందుతోంది.

‘లా’

నేటి కార్పొరేట్ సంస్కృతి ఎన్నో వృత్తులకు సరికొత్త దిశా నిర్దేశం చేసింది.. అలాంటి కోర్సుల్లో ‘లా (న్యాయశాస్త్రం)’ ఒకటి.. గతంలో మాదిరిగా కేవలం కోర్టు వ్యవహారాలకు, టీచింగ్ రంగాలకు మాత్రమే పరిమితం కాకుండా.. విస్తృత దృక్పథంతో విశ్లేషిస్తే.. సంస్కరణల యుగంలో.. ఆర్థిక సరళీకరణలు.. విదేశీ పెట్టుబడుల రాక, తదనుగుణంగా చోటు చేసుకుంటున్న పరిమాణాల నేపథ్యంలో.. ‘లా’ అభ్యర్థులకు అవకాశాలు వెల్లువలా వచ్చిపడుతున్నాయి.. ఈ నేపథ్యంలో ‘లా’ కెరీర్‌పై సమగ్ర విశ్లేషణ..

‘లా’లో చేరాలంటే:
‘లా’ కోర్సులో చేరడానికి రెండు మార్గాలు ఉన్నాయి. అవి.. ఇంటర్మీడియెట్ పూర్తి చేశాక ఐదేళ్ల వ్యవధి గల ఎల్‌ఎల్‌బీ/బీఎల్ కోర్సులో అడుగు పెట్టడం. బ్యాచిలర్ డిగ్రీ పూర్తి చేశాక మూడేళ్ల వ్యవధి గల ఎల్‌ఎల్‌బీ/బీఎల్ కోర్సులో ప్రవేశం పొందడం. ఈ క్రమంలో జాతీయ, రాష్ర్ట స్థాయిలో నిర్వహించే పలు రకాల ప్రవేశ పరీక్షలకు హాజరు కావాల్సి ఉంటుంది. వాటి వివరాలు..

లాసెట్:
రాష్ట్రంలో న్యాయ విద్యనభ్యసించడానికి వీలు కల్పించే పరీక్ష లాసెట్ (లా కామన్ ఎంట్రెన్స్ టెస్ట్). మూడేళ్ల బీఎల్/ఎల్‌ఎల్‌బీ కోర్సు, ఐదేళ్ల ఎల్‌ఎల్‌బీ/బీఎల్ కోర్సుల్లో లాసెట్ ర్యాంక్ ద్వారా ప్రవేశం పొందొచ్చు.

ఐదేళ్ల లా కోర్సును ఆఫర్ చేస్తున్న కాలేజీలు: 30
సీట్ల సంఖ్య: 2700

అర్హత: ఐదేళ్ల లా కోర్సుకు 45 శాతం మార్కులతో ఇంటర్మీడియెట్ (10+2 విధానంలో) (ఎస్సీ, ఎస్టీ విద్యార్థులైతే 40 శాతం మార్కులు సరిపోతాయి). మూడేళ్ల లా కోర్సుకు 10+2+3 విధానంలో 45 శాతం మార్కులతో ఏదైనా డిగ్రీ.

పరీక్ష విధానం: గంటన్నర వ్యవధిలో జరిగే పరీక్షలో మొత్తం 120 ప్రశ్నలుంటాయి. ఒక్కోదానికి ఒక్కో మార్కు. మూడు విభాగాలుండే ప్రశ్నపత్రంలో పార్ట్-ఎలో జనరల్ నాలెడ్జ్, మెంటల్ ఎబిలిటీపై 30 ప్రశ్నలు, పార్ట్-బిలో కరెంట్ అఫైర్స్‌పై 30 ప్రశ్నలు, పార్ట్-సిలో లా ఆప్టిట్యూడ్‌పై 60 ప్రశ్నలుంటాయి. ఐదేళ్ల లా ప్రశ్నపత్రం ఇంటర్మీడియెట్ స్థాయిలో, మూడేళ్ల లా ప్రశ్నపత్రం డిగ్రీ స్థాయిలో ఉండే అవకాశం ఉంది. (2013 సంవత్సరానికి లాసెట్ నోటిఫికేషన్ వెలువడింది. దరఖాస్తుకు చివరి తేదీ: ఏప్రిల్ 26. పరీక్ష తేదీ: జూన్ 6).
వెబ్‌సైట్:www.aplawcet.org

క్లాట్: నేషనల్ లా యూనివర్సిటీల్లో ప్రవేశం కోసం కామన్ లా అడ్మిషన్ టెస్ట్(క్లాట్) నిర్వహిస్తారు. ఈ ర్యాంక్‌తో ప్రతిష్టాత్మక జాతీయ స్థాయి లా కాలేజీల్లో ప్రవేశం పొందొచ్చు.

అర్హత: కనీసం 55 శాతం మార్కులతో ఇంటర్మీడియెట్ (రిజర్‌‌వడ్ కేటగిరీ విద్యార్థులకు 50 శాతం మార్కులు). చివరి సంవత్సరం విద్యార్థులు కూడా దరఖాస్తు చేసుకోవచ్చు. అంతేకాకుండా కోర్సు ప్రారంభమయ్యే విద్యా సంవత్సరం జూలై ఒకటో తేదీనాటికి 20 ఏళ్లు (రిజర్‌‌వడ్ కేటగిరీ విద్యార్థులు 22 ఏళ్లు వయసు) మించకూడదు.

నోటిఫికేషన్: ప్రతి ఏటా డిసెంబర్ చివరి వారం లేదా జనవరి మొదటి వారంలో వెలువడుతుంది.
పరీక్షా విధానం: ఐదు విభాగాల్లో క్లాట్ నిర్వహిస్తారు . అవి..
ఇంగ్లిష్ (కాంప్రెహెన్షన్‌తో కలిపి- 40 మార్కులు)
జనరల్ నాలెడ్జ్/ కరెంట్ అఫైర్స్ (50మార్కులు)
ఎలిమెంటరీ మ్యాథమెటిక్స్ (20 మార్కులు)
లీగల్ ఆప్టిట్యూడ్ (50 మార్కులు)
లాజికల్ రీజనింగ్ (40 మార్కులు). వీటికి 2 గంటల్లో సమాధానాలను గుర్తించాలి.

క్లాట్ ద్వారా ప్రవేశం కల్పించే ఇన్‌స్టిట్యూట్‌లు:
* నేషనల్ లా స్కూల్ ఆఫ్ ఇండియా యూనివర్సిటీ - బెంగళూరు.
* నల్సార్ యూనివర్సిటీ ఆఫ్ లా - హైదరాబాద్.
* దామోదరం సంజీవయ్య నేషనల్ లా యూనివర్సిటీ (ఏపీ యూనివర్సిటీ ఆఫ్ లా) - వైజాగ్.
* ద నేషనల్ లా ఇన్‌స్టిట్యూట్ యూనివర్సిటీ - భోపాల్.
* ద వెస్ట్‌బెంగాల్ నేషనల్ యూనివర్సిటీ ఆఫ్ జురిడికల్ సెన్సైస్ - కోల్‌కతా
* నేషనల్ లా యూనివర్సిటీ - జోథ్‌పూర్.
* హిదయతుల్లా నేషనల్ లా యూనివర్సిటీ - రాయ్‌పూర్.
* గుజరాత్ నేషనల్ లా యూనివర్సిటీ
- గాంధీనగర్.
* డాక్టర్ రామ్ మనోహర్ లోహియా నేషనల్ లా యూనివర్సిటీ - లక్నో.
* ఆర్‌ఎన్‌ఎల్‌యు ఆఫ్ లా- పాటియాలా.
* చాణక్య నేషనల్ లా యూనివర్సిటీ- పాట్నా.
* నేషనల్ యూనివర్సిటీ ఆఫ్ అడ్వాన్‌‌డ్స లీగల్ స్టడీస్ - కొచి.
* నేషనల్ లా యూనివర్సిటీ - ఒడిశా.
* నేషనల్ యూనివర్సిటీ ఆఫ్ స్టడీ అండ్ రీసెర్‌‌చ ఇన్ లా - రాంచీ.
* నేషనల్ యూనివర్సిటీ అండ్ జ్యుడీషియల్
అకాడెమీ - అసోం.
వెబ్‌సైట్: www.clat.ac.in

ఏఐఎల్‌ఈటీ: నేషనల్ లా యూనివర్సిటీ- న్యూఢిల్లీ, ఏఐఎల్‌ఈటీ (ఆల్ ఇండియా లా ఎంట్రెన్స్ టెస్ట్)ను నిర్వహిస్తుంది. ఈ ఎంట్రెన్స్ టెస్ట్ ద్వారా ఐదేళ్ల అండర్ గ్రాడ్యుయేట్ కోర్సు-బీఏ ఎల్‌ఎల్‌బీ (ఆనర్స్)లో ప్రవేశం పొందొచ్చు.
అర్హత: 50 శాతం మార్కులతో ఇంటర్మీడియెట్/ తత్సమానం. చివరి సంవత్సరం విద్యార్థులు కూడా దరఖాస్తు చేసుకోవచ్చు.
పరీక్షా విధానం: మొత్తం ఐదు విభాగాల్లో 150 ప్రశ్నలకు ఏఐఎల్‌ఈటీ ఉంటుంది. అవి.. ఇంగ్లిష్ (35 ప్రశ్నలు); జనరల్ నాలెడ్జ్/కరెంట్ అఫైర్స్ (35 ప్రశ్నలు); మ్యాథమెటిక్స్ (10 ప్రశ్నలు); లీగల్ ఆప్టిడ్యూడ్ (35 ప్రశ్నలు); లాజికల్ రీజనింగ్ (35 ప్రశ్నలు); వీటికి 90 నిమిషాల్లో సమాధానాలను గుర్తించాలి.
వెబ్‌సైట్: http://nludelhi.ac.in/
(ఏఐఎల్‌ఈటీ నోటిఫికేషన్ వెలువడింది. ఆన్‌లైన్‌లో దరఖాస్తు చేసుకోవాలి. చివరి తేదీ ఏప్రిల్ 5, 2013).

ఎస్‌ఈటీ: సింబయాసిస్ లా స్కూల్‌లో బీఏ ఎల్‌ఎల్‌బీ, బీబీఏ ఎల్‌ఎల్‌బీ కోర్సుల్లో ప్రవేశం కోసం నిర్వహించే పరీక్ష ఎస్‌ఈటీ (సింబయాసిస్ ఎంట్రెన్స్ టెస్ట్).
అర్హత: 50 శాతం మార్కులతో (ఎస్సీ/ఎస్టీలకు 45 శాతం) ఇంటర్మీడియెట్/తత్సమానం.
పరీక్షా విధానం: మొత్తం 150 మార్కులకు ఐదు విభాగాల్లో ఆబ్జెక్టివ్ పద్ధతిలో ఎస్‌ఈటీ ఉంటుంది. అవి.. లాజికల్ రీజనింగ్, లీగల్ రీజనింగ్, అనలిటికల్ రీజనింగ్, జనరల్ నాలెడ్జ్, రీడింగ్ కాంప్రెహెన్షన్. ఇందులో ప్రతి విభాగం నుంచి 30 ప్రశ్నలు వస్తాయి. వీటికి 120 నిమిషాల్లో సమాధానాలను గుర్తించాలి. దీని తర్వాత నిర్వహించే గ్రూప్ డిస్కషన్, ఇంటర్వ్యూ ఆధారంగా అడ్మిషన్ కల్పిస్తారు.
వెబ్‌సైట్: www.set&test.org
(2013 సంవత్సరానికి ఎస్‌ఈటీ ఆన్‌లైన్ రిజిస్ట్రేషన్‌కు చివరి తేదీ: ఏప్రిల్ 14)

ఎల్‌శాట్: లా స్కూల్ అడ్మిషన్ టెస్ట్ ఇండియా (ఎల్‌శాట్)ను అమెరికాకు చెందిన లా స్కూల్ అడ్మిషన్ కౌన్సిల్ (ఎల్‌ఎస్‌ఏసీ) నిర్వహిస్తుంది. లాశాట్ స్కోర్ ఆధారంగా దేశంలోని దాదాపు 40పైగా లా స్కూల్స్‌లో ఐదేళ్ల ఇంటిగ్రేటెడ్ బీఏ ఎల్‌ఎల్‌బీ కోర్సులో అడ్మిషన్ పొందొచ్చు. వీటిలో జిందాల్ గ్లోబల్ లా స్కూల్, అమిటీ లా స్కూల్, జోథ్‌పూర్ నేషనల్ యూనివర్సిటీ, యూనివర్సిటీ ఆఫ్ పెట్రోలియం అండ్ ఎనర్జీ స్టడీస్ వంటి ప్రఖ్యాత ఇన్‌స్టిట్యూట్‌లు ఉన్నాయి.

పరీక్షా విధానం: మొత్తం నాలుగు విభాగాల్లో ఆబ్జెక్టివ్ విధానంలో లాశాట్ ఉంటుంది. అవి.. అనలిటికల్ రీజనింగ్, లాజికల్ రీజనింగ్-1, లాజికల్ రీజనింగ్-2, రీడింగ్ కాంప్రెహెన్షన్. ప్రతి విభాగానికి 35 నిమిషాల చొప్పున 140 నిమిషాల్లో సమాధానాలను గుర్తించాలి.

అర్హత ప్రమాణాలు ఇన్‌స్టిట్యూట్‌ను బట్టి మారుతు ఉంటాయి. కాబట్టి దరఖాస్తుకు ముందు ఆయా ఇన్‌స్టిట్యూట్‌ల అర్హత ప్రమాణాలు తెలుసుకోవాలి.
వెబ్‌సైట్: http://www.pearsonvueindia.com


అవకాశాలు: ప్రపంచీకరణ, అవుట్ సోర్సింగ్ నేపథ్యంలో.. లా గ్రాడ్యుయేట్లకు వైట్ కాలర్ జాబ్స్ లభిస్తున్నాయి. ముఖ్యంగా ఫైనాన్షియల్ ఇన్‌స్టిట్యూట్స్, బ్యాంకులు, సాఫ్ట్‌వేర్ సంస్థల్లో లీగల్ అడ్వైజర్, డ్రాఫ్ట్ రైటర్‌గా అవకాశాలు లభిస్తున్నాయి. ఇటీవల కాలంలో పేటెంట్ హక్కుల పర్యవేక్షణ సంస్థలు, కాపీరైట్ సంస్థలు, పబ్లిషింగ్ సంస్థలు, ఎన్‌జీఓలు కూడా లా గ్రాడ్యుయేట్లకు పెద్దపీట వేస్తున్నాయి. తమ కార్యకలాపాల చట్టపరమైన అంశాల పర్యవేక్షణకు వీరిని నియమించుకుంటున్నాయి. లా గ్రాడ్యుయేట్లు పీజీ, పీహెచ్‌డీ కోర్సులు చేయడం ద్వారా అధ్యాపక వృత్తిలో చేరొచ్చు.

ప్రభుత్వ రంగంలో: లా గ్రాడ్యుయేట్లకు ప్రభుత్వ రంగలోనూ అవకాశాలకు కొదవ లేదని చెప్పొచ్చు. ఇవి అధికశాతం న్యాయవాద వృత్తికి సంబంధించినవై ఉంటాయి. పబ్లిక్ ప్రాసిక్యూటర్‌‌స, ఏపీపీఓ, మెజిస్ట్రేట్స్, సబ్-మెజిస్ట్రేట్స్, జూనియర్ జడ్జి స్థాయిల్లో ఎంట్రీ లెవల్ అవకాశాలు లభిస్తాయి. పరిపాలన ట్రిబ్యునల్స్, లేబర్ కోర్టులు, అప్పిలేట్ అథారిటీల్లోనూ పలు హోదాల్లో అడుగుపెట్టొచ్చు. ఇందుకు ఆయా రాష్ర్ట ప్రభుత్వాలు, పబ్లిక్ సర్వీస్ కమిషన్లు నిర్వహించే పరీక్షల్లో విజయం సాధించాల్సి ఉంటుంది. ఇలా ప్రభుత్వ సర్వీసులో అడుగుపెట్టిన వారు.. హైకోర్టు, సుప్రీంకోర్టు ప్రధాన న్యాయమూర్తుల స్థాయికి చేరుకోవచ్చు.

ఎల్‌పీఓ: ‘లా’ గ్రాడ్యుయేట్లకు కెరీర్ పరంగా సరికొత్త వేదిక లీగల్ ప్రాసెస్ అవుట్ సోర్సింగ్ (ఎల్‌పీఓ). ముఖ్యంగా అమెరికా, యూరప్ దేశాలకు చెందిన న్యాయ సేవా సంస్థలు భారీ సంఖ్యలో (దాదాపు 150 నుంచి 200 వరకు) మన దేశంలో శాఖలను ఏర్పాటు చేస్తూ.. న్యాయ నిపుణుల కోసం అన్వేషణ సాగిస్తున్నాయి. ఎంపికైన అభ్యర్థులకు ఆయా దేశాల చట్టాలపై శిక్షణనిచ్చి పర్మినెంట్ హోదా కల్పిస్తున్నాయి. ప్రారంభంలో నెలకు కనీసం రూ. 25 వేల వేతనం ఆఫర్ చేస్తున్నాయి. ఎంట్రీ లెవల్లో అసోసియేట్‌గా అడుగుపెట్టి అనుభవం ఆధారంగా రెండు, మూడేళ్ల వ్యవధిలో సీనియర్ అసోసియేట్, ప్రాజెక్ట్ మేనేజర్, సీనియర్ ప్రాజెక్ట్ మేనేజర్ వంటి ఉన్నత స్థానాలకు చేరుకోవచ్చు. రానున్న ఐదేళ్లలో ఎల్‌పీఓ రంగంలో 30 నుంచి 40 వేల మంది అవసరం ఏర్పడుతుందని.. లా గ్రాడ్యుయేట్లకు ఎల్‌పీఓ ఓ బంగారు వేదికవుతుందని ఓ అంచనా.

విదేశాల్లోనూ అవకాశాలు: లా గ్రాడ్యుయేట్లకు విదేశీ అవకాశాలూ లభిస్తున్నాయి. మన చట్టాలతో సరిపోలే బ్రిటన్‌లో అవకాశాలు అధికంగా ఉన్నాయని చెప్పొచ్చు. కేంద్ర ప్రభుత్వం ఏర్పాటు చేసిన నేషనల్ లా యూనివర్సిటీలు నిర్వహించే క్యాంపస్ ప్లేస్‌మెంట్ ప్రోగ్రామ్స్‌లో విదేశీ సంస్థలు వస్తుండటమే ఇందుకు ప్రత్యక్ష నిదర్శనం. అంతేకాకుండా ఈ క్యాంపస్ రిక్రూట్‌మెంట్స్‌లో ఎంపికైన వారిలో కనీసం 20 నుంచి 25 శాతం మంది విదేశీ సంస్థల్లో అడుగుపెడుతున్నారు.

వేతనాలు: ప్రభుత్వ రంగంలో స్థిరపడిన వారికి హోదాను బట్టి రూ. 20 వేల నుంచి రూ. లక్ష వరకు వేతనాలు లభిస్తున్నాయి. కార్పొరేట్ కంపెనీలు, బహూళ జాతి, తదితర సంస్థల్లో విధులు నిర్వహిస్తున్న వారికి ఏడాదికి రూ. 4 నుంచి 6 లక్షల వరకు పే ప్యాకేజ్‌లు అందుతున్నాయి. సొంతంగా న్యాయవాదిగా కూడా ప్రాక్టీస్ కూడా చేసుకోవచ్చు.

ఉన్నత విద్య: లా బ్యాచిలర్ డిగ్రీ తర్వాత ఎల్‌ఎల్‌ఎం (మాస్టర్ ఆఫ్ లా) కోర్సు చేయవచ్చు. దీని తర్వాత పీహెచ్‌డీ చేసే అవకాశం కూడా ఉంది. ఈ క్రమంలో ఉండే స్పెషలేజేషన్లు-సివిల్/క్రిమినల్ లా, ఇంటర్నేషనల్ లా, లేబర్ లా, అడ్మినిస్ట్రేటివ్ లా, రియల్ ఎస్టేట్ లా, హ్యూమన్ రైట్స్ లా, కార్పొరేట్ లా, బిజినెస్ లా, తదితరాలు. క్లాట్, పీజీలాసెట్ (మన రాష్ట్ర స్థాయి పరీక్ష) వంటి పరీక్షల ద్వారా పీజీ కోర్సుల్లో అడుగు పెట్టొచ్చు.

ఆల్ ఇండియా బార్ ఎగ్జామినేషన్: న్యాయవాద వృత్తి చేపట్టాలకునే అభ్యర్థులు.. ఎల్‌ఎల్‌బీ డిగ్రీ పొందాక ప్రాక్టీస్‌కు ఉపక్రమించాలంటే తప్పనిసరిగా ఆల్ ఇండియా బార్ ఎగ్జామినేషన్‌లో ఉత్తీర్ణత సాధించాలి. న్యాయవాద వృత్తి చేపట్టేందుకు ఉన్న పరిజ్ఞానాన్ని, సబ్జెక్ట్ నాలెడ్‌‌జను పరీక్షించి.. సదరు అభ్యర్థి వృత్తికి సరిపోతాడా? లేదా? నిర్ణయించడమే ఈ పరీక్ష ఉద్దేశం. ఈ ఎగ్జామినేషన్ ప్రతి ఏటా రెండు సార్లు (జూన్/జూలై, నవంబర్/డిసెంబర్) జరుగుతుంది. మూడున్నర గంటల వ్యవధిలో రెండు కేటగిరీ (కేటగిరీ-1, కేటగిరీ-2)ల్లో పార్‌‌ట-1, పార్‌‌ట-2 పద్ధతిలో జరుగుతుంది.
వెబ్‌సైట్: www.barcouncilofindia.org

బహుముఖ అవకాశాల ‘లా’
ఇంటర్మీడియెట్ అర్హతతో అయిదేళ్ల లా కోర్సులో ప్రవేశించొచ్చు. దీనికోసం ప్రతి ఏటా నిర్వహించే లాసెట్‌లో ఉత్తీర్ణత సాధించాల్సి ఉంటుంది. ప్రస్తుతం మన రాష్ట్రంలో అయిదేళ్ల లా కోర్సును దాదాపు 30 కళాశాలలు అందిస్తున్నాయి. వీటిలో సుమారు 2700 అందుబాటులో ఉన్నాయి. గతంలో మాదిరిగా కాకుండా ‘లా’ ప్రస్తుతం కెరీర్ పరంగా పలు అవకాశాలు కల్పిస్తోంది. ప్రభుత్వ పరంగా.. బ్యాచిలర్ డిగ్రీ పూర్తవగానే ఎలాంటి అనుభవం లేకున్నా నేరుగా జ్యుడిషియల్ ఫస్ట్‌క్లాస్ మేజిస్ట్రేట్ ఉద్యోగాలకు పోటీ పడొచ్చు. అదే విధంగా డిస్ట్రిక్ట్ జడ్జి పోస్టులకు నేరుగా రిక్రూట్‌మెంట్ పరీక్షలకు హాజరు కావచ్చు. హైకోర్టు, లేదా సుప్రీంకోర్టులలో పదేళ్ల ప్రాక్టీస్ అనుభవం ఉంటే ఆయా కోర్టుల్లో జడ్జి పోస్టులకు అర్హత లభిస్తుంది. వీటన్నిటికంటే ముఖ్యం గా ప్రతి మండలంలో ఒక మండల జ్యుడిషియల్ ఆఫీసర్‌ను నియమించాలని ప్రభుత్వం నిర్ణయించింది. దీంతో సమీప భవిష్యత్తులో లా గ్రాడ్యుయేట్లకు అవకాశాలు పుష్కలం. ఇక.. ప్రైవేట్ రంగంలో అవకాశాలకు కొదవే లేదు. కారణం విస్తరిస్తున్న పారిశ్రామికీకరణే. ఆయా సంస్థలు లా గ్రాడ్యుయేట్లను లీగల్ అడ్వైజర్లుగా నియమిస్తున్నాయి. క్లాట్ ద్వారా ప్రవేశం లభించే 14 నేషనల్ లా యూనివర్సిటీల్లో పూర్తి చేస్తే లక్షల్లో జీతంతో క్యాంపస్ సెలక్షన్స్ అందుకోవచ్చు. ఉన్నత విద్య కోణంలో పీజీ, పీహెచ్‌డీ పూర్తి చేయొచ్చు. బోధనపై ఆసక్తి ఉన్నవారు పీహెచ్‌డీ చేయడం అభిలషణీయం.